OpenAI-nin Newsroom hesabını ələ keçirən kripto fırıldaqçıları, şirkətin kriptovalyuta bazarına girdiyini iddia edərək saxta yazılar hazırlayıblar. Fırıldaqçılar yazıya link əlavə etməklə istifadəçiləri bu sayta yönləndirib və ziyarətçilərdən pul kisələrini birləşdirməyi xahiş ediblər. Bu, fırıldaqçılıq məqsədləri üçün istifadəçilərin aktivlərini hədəfləmək üçün bir üsul kimi istifadə edilmişdir. Hesabda paylaşılan yazıda deyilir: "Biz $OPEANAI-ı elan etməkdən çox məmnunuq: Al və blockchain texnologiyası arasındakı boşluğu dolduran token. Bütün OpenAl istifadəçiləri $OPENAI-nin ilkin tədarükünün bir hissəsini tələb etmək hüququna malikdirlər. $OPENAI-a sahib olmaq bütün gələcək beta proqramlarımıza giriş imkanı verəcək."

     Bu yaxınlarda daha bir hack hadisəsi də OpenAI üçün baş vermişdi. Belə ki, şirkətin CTO-su Mira Murati-nin hesabı da ələ keçirilmişdi. İddialara görə, bu hadisənin də arxasında duranlar da Newsroom hesabını ələ keçirən hakerlər idi. Kripto valyuta dələduzları son zamanlarda məşhur X hesablarını hədəf alırlar. Xüsusən də şirkətlərə məxsus hesablar, istifadəçilərin daha çox etibar etməsi səbəbindən dələduzlar üçün cəlbedici olur.