Samsung tərəfindən 2017-ci ildə başlatılan Mobil Təhlükəsizlik Mükafatları Proqramı (Mobile Security Rewards Program), etik hakerlərə və proqram təminatı tərtibatçılarına ümumilikdə 5 milyon dollar məbləğində mükafat paylayıb. Təkcə son bir ildə 113 tədqiqatçıya cəmi 827 min dollar ödəyən şirkət, ən yüksək mükafatı TASZK Security Labs adlı kiber təhlükəsizlik şirkətinə verib. Şirkət, uzaqdan hücumlara icazə verə biləcək təhlükəsizlik zəifliklərini müəyyən edərək bu barədə Samsung-a məlumat verib, mükafatı əldə etməyə haqq qazanmışdı. Samsung, Galaxy AI kimi süni intellektə əsaslanan həllər üzərində fokuslandığı üçün daha bir mükafat proqramı başladıb. Samsung Mobil Süni İntellekt Təhlükəsizliyi adlanan bu yeni mükafat proqramı ilə yeni proqram texnologiyalarında mümkün təhlükəsizlik zəifliklərini müəyyən edən insanlara rekord mükafatların verilməsi planlaşdırılır.

     Samsung-un milyardlarla istifadəçisi olduğunu nəzərə alsaq, onun proqram təminatındakı təhlükəsizlik qüsurunun potensial zərəri mükafatla müqayisədə heç bir şey deyil. Bu mənada, proqram təminatının hazırlanması ilə maraqlanırsınızsa və ya bu, artıq sizin peşənizdirsə, yuxarıda göstərilən maddələri nəzərdən keçirə bilərsiniz. Son olaraq, onu da əlavə edək ki, icazəsiz mənbələrdən tətbiqlərin quraşdırılmasına mane olan "Auto Blocker" xüsusiyyətini yan keçib, bunu Samsung-a sübut etsəniz, heç bir qiymətləndirməyə məruz qalmadan 100 min dollar mükafat ala bilərsiniz.