Neuralink, ilk insan beyin çipinin 29 yaşlı Nolan Arbaugh adlı xəstənin beyninə yerləşdirildikdən sonra cihazın ciddi biir nasazlığa səbəb olduğunu bildirib. Arbaugh səkkiz il əvvəl dalğıc qəzası nəticəsində çiyinlərindən aşağı iflic olmuşdu və o, bu implant sayəsində xarici texnologiyanı yalnız beynini istifadə edərək idarə etmək ümidi ilə bu təcrübəyə qatılmışdı. Bu cihaz beyində sinir fəaliyyəti və hərəkət niyyəti haqqında məlumat toplayan 1024 elektrod və 64 ultra nazik tellərdən ibarətdir.vHər şey planlaşdırıldığı kimi getsəydi, Arbaugh bu sistem vasitəsilə xarici cihazları idarə edə bilərdi. Lakin Neuralink çipinin implantasiyasından bir neçə həftə sonra nasazlıq nəticəsində bəzi tellər beyindən qopduğuna görə, elektrodların effektivliyi azalıb. Bu da cihazın nə qədər yaxşı işlədiyini qiymətləndirmək üçün vəziyyəti qeyri-mümkün hala gətirib.

     Neuralink qeyd edir ki, bu problemləri həll etmək üçün saxlama alqoritmini və siqnalları kursor hərəkətlərinə çevirən texnikalar inkişaf etdirib. Arbaugh-un performansı bu düzəlişlər sayəsində ilkin səviyyələrdən daha yaxşı görünsə də, bu cür texniki problemlər və potensial geri çəkilmələr Neuralink beyin çipinin istifadəsi ilə bağlı insan sınaqlarının risklərini və etik problemlərini artırır.

     Neuralink-in bu çipi aradan qaldırılması ehtimalı da qeyd edilib, lakin bunun Arbaugh-un sağlamlığına birbaşa təhlükə yaratmadığı bildirilib. Buna baxmayaraq, bu cür yüksək riskli texnologiyanın insanlar üzərində sınaqdan keçirilməsinin potensial nəticələri cəmiyyətdə ciddi narahatlıq yaradıb. Neuralink-ə bu sınaqlarda daha çox şəffaflıq göstərmək və ictimaiyyəti məlumatlandırmaq çağırışları artır.

     Bu uğursuzluq onu göstərir ki, Neuralink çipi və buna bənzər texnologiyalar təkcə onların texniki imkanlarını deyil, həm də etik, hüquqi və sosial təsirlərini nəzərə almalıdır. Nolan Arbaugh-un və gələcək test subyektlərinin təhlükəsizliyi, bu cür qabaqcıl texnologiyaların sərhədlərini aşdığımız zaman nəzərə almalı olduğumuz vacib məsələlərdən biridir.