Facebook şirkəti Libra kriptovalyutasını artıq gələn ilin əvvəlində istifadəyə verə bilər

Facebook şirkəti Libra kriptovalyutasını artıq gələn ilin əvvəlində istifadəyə verə bilər

Maliyyə və investisiya
30.11.2020 PAYLAŞIM

    Financial Times qəzetinin verdiyi məlumata əsasən Facebook şirkətinin Libra adlı kriptovalyutası gələn ilin əvvəlində işə salınacaq və o yalnız dollara bağlı olacaq. Gözləntilərə əsasən kriptovalyuta gələn ilin yanvar ayında istifadəyə veriləcək. Təbii ki, əgər həmin vaxta kimi İsveçrənin Swiss Financial Market Supervisiory Authority adlı nizamlayıcı orqandan təsdiqlənmə əldə olunsa bu baş verəcək. Şirkət bu nizamlayıcı orqana sorğunu bu ilin may ayında göndərmişdi. Məlumata əsasən hal hazırda Libra adlı elektron portmanat artıq hazırdır. Onun hazırlanması ilə Facebook-dan ayrılmış Novi şirkəti məşğul olur. Bununla belə kriptovalyuta məhdud sayda istifadəyə veriləcək.

Libra yalnız dollara bağlı olacaq. Daha əvvəlki planlara əsasən isə Libra multivalyutalı kriptovalyuta olmalı idi.

    Bununla yanaşı məzənnələrin tez-tez qalxıb-düşməsinin ona təsir etməməsi üçün kriptovalyuta həmçinin maliyyə alətlərinə də bağlı olmalı idi. Verilmiş yeni məlumata əsasən isə multivalyutalı tokenlər daha sonra istifadəyə veriləcək. Bundan əlavə olaraq Libra ilkin mərhələdə yalnız ABŞ-da və Latın Amerikasında istifadəyə veriləcək. Şirkət öz diqqətini pul köçürmələrinin böyük kanallarına yönəltmək istəyir. Hal hazırda Novi şirkəti hər ABŞ ştatında lisenziya əldə etmək üçün çalışır. Libra alyansına daxil olan iştirakçı şirkətlər Libra-nı tez bir zamanda öz məhsullarına inteqrasiya etməyəcəklər.


    Belə ki, onlar layihənin nə dərəcədə uğurlu olacağını analiz etmək istəyirlər. Qeyd etmək lazımdır ki, Facebook şirkəti Libra layihəsini 2019-cu ildə təqdim etmişdi. Həmin vaxtda Mastercard, Visa, Spotify, PayPal, eBay, Uber Vodafone kimi şirkətlər layihənin partnyorları siyahısına daxil olmuşdular. Daha öncə layihənin bu ilin əvvəlində işə salınması planlaşdırılırdı. Lakin bir sıra ölkələrin nizamlayıcı orqanları bildirmişdilər ki, Libra külli miqdarda pul vəsaitlərinin yuyulmasına və terrorizmin maliyyələşdirilməsinə şərait yaradacaq. Nəticədə layihədən ilk öncə PayPal, daha sonra isə Mastercard, Visa və eBay şirkətləri çıxdılar.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Bolt taksi servisi 713 milyon dollar investisiya əldə edib

Estoniyanın məşhur taksi servisi olan Bolt 713 milyon dollar investisiya əldə edib. Beləliklə o öz b..


Elon Musk-ın bir bəyanatı Ethereum-un qiymətinin qalxmasına səbəb olub

B-Word adlı konfransda çıxış edən zaman Elon Musk yenidən kriptovalyuta mövzusuna toxunub.


Afrikada dünyanın ən böyük bitcoin fırıldaqçılığı reallaşdırılıb

Africrypt adlı kriptovalyuta platformasını yaratmış CAR (Cənubi Afrika Respublikası) vətəndaşları Am..


Joe Biden amerikalılara Çindən olan 59 şirkətə investisiya yatırmağı qadağan edi..

ABŞ-ın yeni prezidenti Joe Biden-in imzaladığı yeni göstərişə əsasən amerikalı vətəndaşların ABŞ-ın ..


2021-ci ildə texnoloji investorlar NFT startaplara 90 milyon dollar vəsait yatır..

2021-ci ildə texnoloji investorlar kolleksiya yığımı üçün olan rəqəmsal obyektlər ilə NFT tokenlər y..

×