200 MP kameralı HONOR 90 ilə çəkilən görüntülər

    Ötən günlərdə Bakıda baş tutan musiqili təqdimat tədbiri çərçivəsində HONOR 90 smartfonları Azərbaycanda təqdim olundu. Yeni təqdim edilən cihazlar unikal rəng seçimlərində Azərbaycan bazarına gəlir. Zümrüd yaşıl, tovuzquşu mavi və gecəyarı qarası diqqətləri cəlb edən rəng seçimləridir. HONOR 90 smartfonu təqdim olunan gün cihazlarla bağlı icmal videosunu da kanalımızda yayımlamışdıq. Əgər videonu izləməmisinizsə aşağıdakı linkdən izləmək məsləhətdir.

    Bu məqalədə isə sizə HONOR 90 ilə çəkdiyimiz fotoları daha keyfiyyətli formada təqdim edirik. Gəlin HONOR 90-nın kameraları ilə daha yaxından tanış olaq. HONOR 90-nın ön tərəfində f/2.4 diafraqma dəyərində 50 MP göstəriciyə sahib selfi kamera yer alır. Bu kamera HONOR 70 ilə müqayisədə yenilənib və meqapiksel dəyəri artırılıb. Aşağıda gördüyünüz foto HONOR 90-nın 50 meqapiksellik ön kamerası ilə çəkilib. 

    Lakin ön kamera təkcə geniş bucaqlı yox, eyni zamanda ultra geniş bucaqlı da fotoları qeydə ala bilir. Məsələn, eyni məsafədən ultra geniş bucaqlı kamera ilə çəkilmiş foto aşağıdakı kimi görünür. Yəni siz eyni kamera ilə həm adi həm də ultra geniş bucaqlı fotoları qeydə almaqla selfi kadrlarınıza daha çox insan sığdıra bilərsiniz. Bunun sayəsində heç bir dostunuz görüntüdən kənarda qalmayacaq.

    Ön kameranın portret rejimi də yaxşı çalışır. Bu kamera portret fotolarında arxa fon yaxşı bulanıqlaşır və eyni zamanda detalların fondan ayrılmasında demək olar problem yaşanmır. Adətən bəzi kameralar eynəyin və saçların detallarını ayırmaqda çətinlik çəkirlər. Bu kamerada isə belə problemlər daha az yaşandı.

    Əlavə olaraq bu kamera ilə studiya və otaq işıqlanmasında 2 ədəd foto çəkdik. Hər iki nəticədən razı qaldıq. Meqapiksel dəyəri yüksək olduğundan görüntülər dəqiq alınır. Ümumi olaraq bu kamera 4K 30 FPS videoları da qeydə almaqla orta seqment bir cihaz üçün kifayət qədər iddialı hesab edilə bilər. Əgər yaxşı ön kameraya sahib cihaz axtarırsınızsa HONOR 90 seçimlər arasında mütləq olmalıdır.

    Arxa kameralara nəzər saldıqda bu hissədə 3 ədəd kamera quraşdırılıb. Lakin bu kameralar 4 kameranın işini görünür. Çünki ultra geniş bucaqlı kamera eyni zamanda makro fotoları da çəkir. Ultra geniş bucaqlı kamera 12 MP-dir və f/2.2 diafraqma ölçüsünə sahibdir. Bu kamera ilə çəkilən möhtəşəm makro fotoları sizinlə bölüşürük. 

    Sözügedən kamera ilə 112 dərəcəlik genişlikdə ultra geniş bucaqlı fotolar da çəkmək olur. Aşağıda adi geniş bucaqlı kamera ilə ultra geniş bucaqlı kamera ilə çəkilən fotolar arasında fərqi təqdim edirik. 

    Arxada əsas kamera 200 MP-dir. Bu kamera f/1.9 kimi aşağı diafraqma göstəricisinə sahibdir. Bunun sayəsində işığı yaxşı uda bilir. Kameranın 200 MP rejimində çox dəqiq fotoları qeydə almaq olur. Görüntünü yaxınlaşdıran zaman keyfiyyət itkisi yaşanmır. Bu mənada 200 MP kamera HONOR 90-nın əsas özəlliklərindən biridir. Aşağıdakı iki nümunədə fərqi görə bilərsiniz. 

    Əlava olaraq bu kamera ilə gecə çəkimləri də möhtəşəm alınır. 200 MP-lik f/1.9 diafraqmalı əsas kamera yüksək gecə performansına sahibdir. Nəticədə ağ işıqları qətiyyən partlatmır və görüntünü təmiz emal edir. Eyni zamanda görüntü təbii alınır. Süni işıqlı foto emal olunmur. 

    Sonuncu kamera dərinlik kamerasıdır. 2 MP f/2.4 diafraqma ölçüsündədir. Bu kamera ilə əsas kamera birlikdə arxası bulanıq olan portret şəkillər çəkir. Nəticələr möhtəşəmdir. Həm insan gövdəsini həm heyvan gövdəsini arxa fondan rahatlıqla ayıra bilir və detallarda bulanıqlaşma olmur. Bu kamera ilə çəkilən 3 foto nümunəni sizlərə təqdim edirik. 

    Əlavə olaraq HONOR 90-nın kameraları vasitəsilə qeydə alının bir neçə maraqlı və diqqət cəlb edən rəngli görüntüləri sizlərlə bölüşürük. Ümumi olaraq HONOR 90 orta seqmentdə ən yaxşı foto performansına sahib olan cihazlardan biridir. Həm ön həm arxa kamera tərəfindən çox yaxşı foto keyfiyyətinə sahibdir. HONOR 90 eyni zamanda texniki göstəricilər, ekran, dizayn və batareya tərəfində də ciddi xüsusiyyətlərə sahibdir. Texniki hissə və digər detallar üçün yuxarıda paylaşdığımız icmalı izləmək məsləhətdir.