3 qat qatlana bilən Huawei Mate XT-nin ön sifarişlərinə artıq start verilib

     Huawei şirkəti artıq sabah yeni qatlana bilən smartfonunu təqdim edəcək. Söhbət Huawei Mate XT adlı 3 qat qatlana bilən smartfondan gedir. Təqdimata 1 gün qalmış məlum olub ki, şirkət bu yeni qatlana bilən smartfonunun ön sifarişlərinə artıq start verib. Belə ki, Çinin JD.com adlı saytında Mate XT-ni ön sifariş etmək olar. Bununla belə saytda Mate XT-nin ətraflı texniki imkanları barəsində məlumatlar qeyd edilməyib. JD.com-da sadəcə qeyd edilib ki, smartfon 16 GB RAM və 512 GB/1 TB daxili yaddaş həcmi versiyalarında mövcuddur. Çində smartfonun satışlarına 20 sentyabr tarixində start verilməlidir. Gözləntilərə əsasən Huawei Mate XT smartfonu Kirin 9000 seriyasına daxil olan prosessorlardan biri vasitəsilə çalışacaq.