4K keyfiyyətli Huawei Smart Screen S5 televizoru təqdim edilib - QİYMƏTİ
Cihazlar+
09.04.2024
Farid Pardashunas
Huawei şirkəti 4K keyfiyyətli böyük ekrana sahib yeni smart televizorunu təqdim edib. Televizor Smart Screen S5 adlanır. Sözügedən yeni televizoru fərqləndirən əsas özəlliklər arasında yüksək təsvir yenilənməsi, veb kamera və demək olar çərçivəsiz ekran var. Huawei Smart Screen S5 üç versiyada təqdim olunub. Birinci versiya 55 düym, ikinci versiya 65 düym, üçüncü versiya isə 75 düym ölçülü ekrana sahibdir. Hər üç versiyada ekran keyfiyyəti 4K, təsvir yenilənməsi isə 144 Hz təşkil edir. Huawei Smart Screen S5 şirkətin fərdi prosessoru vasitəsilə çalışır və özündə 3 GB RAM ilə 64 GB daxili yaddaş həcmini birləşdirir.
Bu yeni smart televizor özündə Wi-Fi moduluna və USB Type-A 3.0 ilə HDMI 2.1 girişlərinə sahibdir. 75 düym ekrana sahib versiya 4 ədəd səsgücləndirici, digər versiyalar isə 2 ədəd səsgücləndirici ilə təchiz olunublar. Huawei Smart Screen S5 HarmonyOS 4.2 əməliyyat sistemi vasitəsilə çalışır. Televizor artıq Çində satışa çıxıb. 55 düym ekrana sahib versiya 483$-a, 65 düym ekrana sahib versiya 594$-a, 75 düym ekrana sahib versiya isə 801$-a satılır. Huawei Smart Screen S5-in digər regionlarda satılıb-satılmayacağı bilinmir.
Linki kopyala
Bənzər xəbərlər
Oxşar xəbərlər
Huawei Mate 70 smartfon seriyası Android tətbiqlərin dəstəyi imkanından məhrum ola bilər
Huawei Mate 70 smartfon seriyası Android tətbiqlərin dəstəyi imkanından məhrum ola bilər
Huawei şirkəti bu ilin ikinci yarısında Mate 70 smartfon seriyasını təqdim etməlidir. İnsayderlərin vermiş olduqları məlumata əsasən Huawei şirkətinin bu yeni smartfon seriyası HarmonyOS NEXT əməliyyat sistemi vasitəsilə çalışacaq.
Huawei üçlü qatlanma mexanizminə sahib smartfonunu patentləşdirib
Huawei üçlü qatlanma mexanizminə sahib smartfonunu patentləşdirib
Hələ bir neçə müddət bundan öncə insayderlər xəbər vermişdilər ki, Huawei şirkəti üçlü qatlanma mexanizminə sahib yeni qatlana bilən smartfon üzərində çalışır.
Huawei Watch Fit 3 smart qolbağı təqdimata hazırlaşır
Huawei Watch Fit 3 smart qolbağı təqdimata hazırlaşır
Huawei keçən həftə Band 9 adlı smart qolbağını təqdim etdi. İndi isə şirkət daha bir yeni smart qolbağını təqdim etməyə hazırlaşır.
Huawei P70 smartfonları Geekbench testlərindən keçiblər
Huawei P70 smartfonları Geekbench testlərindən keçiblər
Yaxın zamanda Huawei şirkətinin özünün P70 smartfon seriyasını təqdim edəcəyi gözlənilir. İndi isə məlum olub ki, bu seriyaya daxil olacaq 3 model Geekbench testlərindən keçib.
Huawei P70 smartfon seriyası yaxın günlərdə təqdim oluna bilər
Huawei P70 smartfon seriyası yaxın günlərdə təqdim oluna bilər
Hələ bir neçə müddət bundan öncə məlumat ortaya çıxmışdı ki, Huawei şirkəti özünün P70 smartfon seriyasının təqdimatını bilinməyən müddətə kimi təxirə salınıb.
Həftənin xəbərləri
