Acer Predator X39 gaming monitoru təqdim edilib - QİYMƏTİ

     Acer böyük ölçülü yeni gaming monitorunu təqdim edib. Şirkətin yeni gaming monitoru Acer Predator X39 adlanır. Beləliklə bu yeni monitor 240 Hz-lik təsvir yenilənməsinə sahib 3440x1440 piksel keyfiyyətli 39 düym ölçülü OLED ekranla təchiz olunub. Ekran DCI-P3 rəng diapazonunun 99%-ni əhatə edir və onun istifadəçi əməliyyatlarına reaksiya müddəti 0.01 millisaniyə təşkil edir. Ekran həmçinin AMD FreeSync Premium Pro texnologiyasının dəstəyinə sahibdir. Monitor özündə HDMI 2.1, DisplayPort 1.4 və USB-C girişlərini birləşdirir. USB-C girişi vasitəsilə digər cihazları şarj etmək mümkündür. Bunun üçün o, 90 vatt çıxış gücünə sahibdir. Acer Predator X39 artıq satışa çıxıb və onun Avropada qiyməti 1599 avro təşkil edir.