AirPods Max 2 satışa çıxdı

    Technote.az “Apple Insider” platformasına istinadən bildirir ki, Apple-ın yeni nəsil qulaqlıqları AirPods Max 2 rəsmi olaraq satışa təqdim olunub və artıq böyük pərakəndə satıcılar arasında qiymət rəqabəti başlayıb. Xüsusilə Amazon və Walmart, Midnight rəng variantı üçün dərhal 20 dollar endirim təklif edərək istifadəçiləri cəlb etməyə çalışır.

    Yeni model əvvəlki nəsillə müqayisədə bir sıra texniki yeniliklərlə gəlir. Ən əsas yenilik isə Apple-ın daha güclü və optimallaşdırılmış H2 çipi ilə təchiz olunmasıdır. Bu çip həm səs keyfiyyətini artırır, həm də aktiv səsboğma (ANC) funksiyasını daha effektiv edir.

    Əsas xüsusiyyətlər
    •    Apple H2 çipi ilə işləyir
    •    İlk nəsillə müqayisədə 1.5 dəfə daha güclü Active Noise Cancellation
    •    Transparency (şəffaflıq) rejimi
    •    Adaptive EQ (mühitə uyğun səs tənzimlənməsi)
    •    USB-C vasitəsilə naqilli bağlantıda lossless audio və ultra aşağı gecikmə (uyğun servis tələb olunur)