AirPods Max 2 təqdim edildi

    Technote.az “The Verge” platformasına istinadən bildirir ki, Apple yeni AirPods Max 2 modelində daha güclü audio prosessor istifadə etdiyini bildirib. Şirkətə görə, bu çip qulaqlıqların gələcək və mövcud məhsullarında istifadə ediləcək və istifadəçilərə daha keyfiyyətli səs təcrübəsi təqdim edəcək.

    Yeni sistem xüsusilə səsin emalını yaxşılaşdırmaq və istifadəçinin dinləmə təcrübəsini daha dəqiq optimallaşdırmaq üçün hazırlanıb.

    Modeldə diqqətçəkən yeniliklərdən biri fərdiləşən səs sistemidir. Bu funksiya istifadəçinin qulaqlıqdan necə istifadə etdiyini zamanla analiz edir və səs səviyyəsini avtomatik şəkildə uyğunlaşdırır. Beləliklə, cihaz istifadəçinin dinləmə vərdişlərinə uyğun olaraq səs balansını tədricən optimallaşdırır.

    AirPods Max 2 mavi, qara və narıncı rəng seçimləri ilə təqdim olunacaq. Qulaqlıqları 25 martdan etibarən öncədən sifariş etmək mümkün olacaq. Satışların isə gələn ayın əvvəlində başlaması planlaşdırılır.