AnTuTu bençmarkı qlobal bazarda ən güclü Android smartfonların reytinqini təqdim edib. Qeyd etmək lazımdır ki, eyni reytinqin Çin üçün nəzərdə tutulmuş versiyası ilə qlobal versiya arasında həmişə fərq olur. Təqdim edilmiş yeni reytinqə 10 smartfon daxil olub və onların hamısı Snapdragon prosessorları vasitəsilə çalışırlar.

    Reytinqdəki 10 smartfondan 9-u Snapdragon 8 Gen 2 prosessoruna, 1-i isə Snapdragon 8+ Gen 1 prosessoruna sahibdir. Beləliklə AnTuTu-ya görə qlobal bazarda ən güclü Android smartfonlar reytinqinin ilk beşliyi belədir. Nubia Red Magic 8 Pro+, ASUS ROG 7, Xiaomi 13, Samsung Galaxy S23+ və Xiaomi 13 Pro. İlk beşlikdən sonra gələn smartfonların sıralanması ilə bu cürdür. Samsung Galaxy S23 Ultra, Samsung Galaxy Z Fold 5, Samsung Galaxy S23, OnePlus 11 və Lenovo Legion Y70.