AnTuTu bençmark saytının mütəxəssisləri oktyabr ayı üzrə müxtəlif qiymət kateqoriyalarında qiymət/keyfiyyət nisbəti baxımından ən yaxşı smartfonların reytinqini tərtib ediblər. Bunun üçün mütəxəssislər alıcının xərclədiyi vəsait qarşılığında hansı səviyyədə performans göstəricisini əldə etməsindən istifadə ediblər. Beləliklə 275$-a kimi olan smartfonlar kateqoriyasında birinci yeri 6 GB RAM-a və 128 GB yaddaşa sahib Redmi Note 11T Pro smartfonu tutub. Bu qiymət kateqoriyasına daxil olan smartfonlar arasında ikinci yeri 12 GB RAM-a və 256 GB yaddaşa sahib Realme GT Neo2T, üçüncü yeri isə 8 GB RAM-a və 256 GB yaddaşa sahib OnePlus Ace Racing Edition smartfonu tutub.

Bənzər xəbər

Yeni nəzəriyyəyə əsasən yüksək kütləli qara dəliklər necə yaranırlar?

    275$-dan 410$-a kimi olan smartfonlar kateqoriyasında birinci yeri 12 GB RAM-a və 256 GB yaddaşa sahib Motorola Edge X30 smartfonu tutub. Aralarında çox da böyük olmayan fərqlə ikinci yeri 8 GB RAM-a və 128 GB yaddaşa sahib Redmi K50 Extreme Edition modeli, üçüncü yeri isə 8 GB RAM-a və 128 GB yaddaşa sahib Lenovo Legion Y70 modeli tutub. Qeyd etmək lazımdır ki, sözügedən qiymət kateqoriyasında birinci yeri tutan Motorola Edge X30 modeli Snapdragon 8 Gen 1 prosessoru, ikinci və üçüncü yeri tutan smartfonlar isə Snapdragon 8+ Gen 1 prosessoru ilə təchiz olunublar.

    410$-dan 549$-a kimi olan qiymət kateqoriyasında birinci yeri 8 GB RAM-a və 256 GB yaddaşa sahib Nubia Z40S Pro smartfonu, ikinci yeri 12 GB RAM-a və 256 GB yaddaşa sahib Motorola X30 Pro modeli, üçüncü yeri isə 12 GB RAM-a və 256 GB yaddaşa sahib Lenovo Legion Y90 modeli tutub. 689$-a kimi olan qiymət kateqoriyasına gəldikdə isə birinci yeri 8 GB RAM və 128 GB yaddaş sahib Xiaomi 12S Pro modeli, ikinci yeri 12 GB RAM-a və 256 GB yaddaşa sahib ASUS ROG Phone 6 modeli, üçüncü yeri isə 8 GB RAM-a və 256 GB yaddaşa sahib OPPO Find X5 Pro modeli tutub.