AOC AGON Pro AG326UD gaming monitoru təqdim edilib - QİYMƏTİ

     AOC şirkəti öz yeni gaming monitorunu təqdim edib. Şirkətin yeni gaming monitoru AOC AGON Pro AG326UD adlanır. Beləliklə bu yeni gaming monitor 165 Hz-lik təsvir yenilənməsinə sahib 3840x2160 piksel keyfiyyətli 32 düym ölçülü Samsung QD-OLED ekranla təchiz olunub. Ekranın standart parlaqlıq səviyyəsi 250 nit, maksimal parlaqlıq səviyyəsi 1000 nit, istifadəçi əməliyyatlarına reaksiya müddəti isə 0.03 millisaniyə təşkil edir. Bundan əlavə olaraq ekran 10 bit-lik rəngləri dəstəkləyir və sRGB rəng diapazonunun 100%-ni, DCI-P3 rəng diapazonunun isə 99%-ni əhatə edir. Monitor özündə 8 vatt gücündə iki ədəd səsgücləndiricini və HDMI 2.1, DisplayPort 1.4 girişlərini birləşdirir. AOC AGON Pro AG326UD sentyabr ayında Avropada satışa çıxacaq. Onun qiyməti isə 849 avro təşkil edəcək.