AOC Q27B3CF2 adlı yeni büdcəli monitor təqdim edilib - QİYMƏTİ

     AOC şirkəti qlobal bazarda yeni büdcəli monitorunu təqdim edib. Şirkətin yeni büdcəli monitoru AOC Q27B3CF2 adlanır. Beləliklə bu yeni monitor 100 Hz-lik təsvir yenilənməsinə sahib 2560x1440 piksel keyfiyyətli 27 düym IPS ekranla təchiz olunub. Məlumata əsasən sözügedən monitorun ekranı 16.7 milyon rəngi əks etdirmə imkanına sahibdir. Üstəlik monitor 2 vatt gücündə 2 ədəd səsgücləndiri ilə təchiz olunub və özündə HDMI, DisplayPort, USB-C girişlərini birləşdirir. USB-C girişi vasitəsilə digər cihazları da şarj etmək mümkündür. Bunun üçün o, 65 vatt çıxış gücünə sahibdir. AOC Q27B3CF2-nin satışlarına yaxın günlərdə start veriləcək. Onun qiyməti isə 200 avro təşkil edəcək.