
Apple 10-dan çox Mac kompüterini köhnəlmiş və vintaj cihazlar siyahısına daxil edib
Cihazlar+
25.09.2024
Emil
Son məlumat sızıntılarına əsasən Apple şirkəti yaxın zamanda M4 prosessoru vasitəsilə çalışacaq yeni Mac kompüterlərini təqdim etməlidir. Bunun artıq gələn ay baş tutacağı gözlənilir. İndi isə şirkət 10-dan çox Mac kompüterini köhnəlmiş və vintaj cihazlar siyahısına daxil edib. Söhbət, 12 ədəd Mac kompüterindən gedir. Qeyd etmək lazımdır ki, Apple şirkətinin reqlamentinə əsasən köhnəlmiş cihazlar siyahısına satışları 7 ildən çox müddət bundan öncə dayandırılmış cihazlar daxil edilir.
Bu cür cihazlar artıq Apple servis mərkəzlərində təmir olunmur. Onların yalnız batareyaları dəyişdirilə bilər. Vintaj cihazlar siyahısına gəldikdə isə bu siyahıya 5 ildən çox, lakin 7 ildən az müddət ərzində satışda olmayan cihazlar daxil edilir. Vintaj cihazlar siyahısına daxil edilən məhsulları isə Apple servis mərkəzlərində hələ də təmir etdirmək mümkündür. Beləliklə Apple şirkətinin köhnəlmiş və vintaj cihazlar siyahısına daxil edilmiş Mac kompüterləri aşağıdakılardır.
Köhnəlmiş cihazlar:
- 13 düym ekranlı MacBook Air (2015-ci il)
- 2 ədəd Thunderbolt 3 girişinə sahib 13 düym ekranlı MacBook Pro (2016-cı il)
- 4 ədəd Thunderbolt 3 girişinə sahib 13 düym ekranlı MacBook Pro (2016-cı il)
- 15 düym ekranlı MacBook Pro (2016-cı il)
- 13 düym ölçülü Retina ekrana sahib MacBook Pro (2015-ci il)
- 12 düym ölçülü Retina ekrana sahib MacBook (2016-cı il)
- 21.5 düym ekranlı iMac (2015-ci il)
- 21.5 düym ölçülü Retina 4K ekrana sahib iMac (2015-ci il)
- 27 düym ölçülü Retina 5K ekrana sahib iMac (2015-ci il).
Vintaj cihazlar:
- 13 düym ölçülü Retina ekrana sahib MacBook Air (2018-ci il)
- 2 ədəd Thunderbolt 3 girişinə sahib 13 düym ekranlı MacBook Pro (2017-ci il)
- 4 ədəd Thunderbolt 3 girişinə sahib 13 düym ekranlı MacBook Pro (2018-ci il).
Paylaş
Ən çox oxunanlar

Samsung Galaxy F56 smartfonu təqdim edilib - QİYMƏTİ
