Logo
    main-post-cover

    Apple AirTag 2 axtarış trekeri barəsində yeni təfərrüatlar təqdim edilib

    Cihazlar+
    17.12.2024
    Emil
         Bloomberg saytının məşhur insayderi Mark Gurman, Apple məhsulları barəsində məlumat verməyə davam edir. İnsayderin yeni məlumatları hələ təqdim edilməmiş Apple AirTag 2 axtarış trekerini əhatə edirlər. Beləliklə Gurman-ın sözlərinə əsasən Apple şirkəti öz yeni axtarış trekerini 2025-ci ilin ortasında təqdim etməyi planlaşdırır. Onun sözlərinə inansaq, AirTag 2 axtarış trekeri ikinci nəsil Ultra Wideband çipi ilə təchiz olunacaq.
         Qeyd etmək lazımdır ki, bu çip ilk dəfə 2023-cü ildə iPhone 15 smartfonlarında və Apple Watch Ultra 2 smart saatında istifadə edildi. Bu çip birinci nəsil AirTag ilə müqayisədə AirTag 2-nin çalışma radiusunu 3 dəfə böyüdəcək. Çox güman ki, istifadəçilər AirTag 2-yə sahib itmiş əşyaları 60 metr məsafədə axtara biləcəklər. Bununla belə məlumatda qeyd edilib ki, yeni axtarış trekeri xarici görünüşcə birinci nəsil AirTag-dan fərqlənməyəcək və bundan əlavə olaraq o, daha təkmilləşdirilmiş səsgücləndirici ilə təchiz olunacaq.
    Paylaş