Apple AirTag 2 ilk firmware yeniləməsini aldı

    Technote.az “Apple Insider” platformasına istinadən bildirir ki, Apple AirTag 2 üçün ilk firmware yeniləməsini istifadəçilərə təqdim edib. 2026-cı ilin yanvarında təqdim olunan ikinci nəsil AirTag, əvvəlki model ilə müqayisədə daha uzun məsafədən daha dəqiq izləmə, daha güclü səs çıxaran dinamik, daha incə anakart və inkişaf etdirilmiş təhlükəsizlik xüsusiyyətləri ilə diqqət çəkir.

    Yeni yayımlanan 3.0.45 versiyalı firmware yeniləməsi xüsusilə anti-stalking funksiyasına mühüm dəyişiklik gətirir. Şirkətin açıqlamasına görə, artıq “naməlum AirTag-i Precision Finding vasitəsilə daha asan tapmaq üçün xəbərdarlıq səsi yenilənib”. Bu dəyişiklik istifadəçilərin təhlükəsizliyini artırmağa yönəlib.

   Bununla yanaşı, yeniləmə əvvəlki 3.0.41 versiyasını əvəz edir və müxtəlif xətaların aradan qaldırılması ilə yanaşı, ümumi istifadə təcrübəsini yaxşılaşdıran kiçik optimallaşdırmaları da əhatə edir. Firmware yeniləməsi avtomatik şəkildə quraşdırılır və bütün AirTag 2 istifadəçiləri üçün əlçatandır.