Apple bir neçə MacBook Air modelini köhnəlmiş, iPhone 8 Plus smartfonunu isə vintaj cihazlar siyahısına daxil edilib

     Apple öz saytında köhnəlmiş məhsullar siyahısına 3 noutbuku əlavə edib: 2015-ci ilin əvvəlində buraxılmış 11 düym ekranlı MacBook Air, həmçinin 2017-ci ildə istehsal olunmuş 13 düym ekranlı və 15 düym ekranlı MacBook Pro modelləri. Əgər cihazın istehsalı dayandırıldıqdan sonra 7 ildən çox vaxt keçibsə Apple onu köhnəlmiş hesab edir. Apple Store mağazaları və avtorizə olunmuş servis mərkəzləri adətən köhnəlmiş cihazları təmir etmirlər, lakin MacBook noutbukları ilə bağlı şirkət bildirib ki, onların sahibləri istehsal dayandırıldıqdan sonra 10 il ərzində ehtiyat hissələri mövcud olduğu halda batareyanı dəyişmək hüququna malikdirlər. Apple 11 düym ekranlı MacBook Air istehsalını 2016-cı ilin oktyabrında, Touch Bar sensor paneli ilə təchiz olunmuş ilk MacBook Pro modellərinin satışa çıxmasından dərhal sonra dayandırıb.

     Lakin onun köhnəlmiş cihazlar siyahısına yalnız indi əlavə olunmasını nəzərə alsaq, görünür ki, bu model bəzi resellerlərdə ən azı 2018-ci ilə qədər satışda olub. Hazırda şirkət 13.6 və 15.3 düym ekranlı MacBook Air modelləri təklif edir. Gələcəkdə isə daha kiçik ekranlı MacBook almaq mümkün ola bilər, çünki yayılan şayiələrə görə Apple iPhone 16 Pro-da istifadə olunan 3 nanometrliklik A18 Pro prosessoru əsasında çalışacaq 12.9 düym ekranlı MacBook modeli buraxmağı planlaşdırır. Apple həmçinin 64/256 GB yaddaşa malik iPhone 8 Plus smartfon modellərini vintaj məhsullar siyahısına əlavə edib. Bu siyahıya cihaz satışdan çıxarıldıqdan 5 il sonra daxil edilir. Apple-ın pərakəndə mağazaları və avtorizə olunmuş servis mərkəzləri vintaj modellərin təmirini dəstəkləyirlər, lakin yalnız ehtiyat hissələri mövcud olduqda. Apple iPhone 8 və iPhone 8 Plus smartfonlarını 2017-ci ilin sentyabrında, iPhone X ilə eyni vaxtda təqdim etmişdi.