Apple bu ilin sonuna kimi 2 yeni iPad planşetini təqdim edə bilər

Cihazlar+

12.08.2024

Emil

9to5mac saytının vermiş olduğu məlumata əsasən Apple şirkəti bu ilin payız fəslində iki yeni iPad modelini təqdim edə bilər. Söhbət, 11-ci nəsil adi iPad modelindən və 7-ci nəsil iPad mini modelindən gedir. 2022-ci ildə təqdim edilmiş 10-cu nəsil adi iPad modeli ciddi dizayn dəyişikliyinə məruz qalmışdı. Belə ki, planşet yastı gövdə dizaynına keçid etmişdi, USB-C girişini əldə etmişdi və ekran üzərində üfüqi istiqamətdə ön kameraya sahib idi.

Bloomberg saytının məşhur insayderi Mark Gurman-ın sözlərinə əsasən Apple yeni nəsil adi iPad modelinin istehsal xərclərini azaltmağa hədəflənib. Gözləntilərə əsasən 11-ci nəsil adi iPad modeli A16 Bionic prosessoru vasitəsilə çalışacaq. Lakin planşetin A17 və ya hətta A18 prosessorunu əldə edəcəyi istisna deyil. 6-cı nəsil iPad mini planşeti 2021-ci ildə təqdim edilmişdi. Həmin vaxtda bu planşet yastı gövdə dizaynını, USB-C girişini və Apple Pencil 2 dəstəyini əldə etmişdi. 6-cı nəsil iPad mini Apple şirkətinin hal-hazırkı planşet seriyasında ən köhnə model hesab olunduğu üçün 7-ci nəsil iPad mini-də bəzi ciddi dəyişikliklərin olacağı gözlənilir.

Paylaş

Bənzər xəbərlər