Apple daha 3 cihazını köhnəlmiş cihazlar siyahısına daxil edib
Cihazlar+
02.07.2024
Emil
Apple şirkəti özünün köhnəlmiş cihazlar siyahısına növbəti 3 cihazı əlavə edib. Onlar iPhone, HomePod və AirPods cihazlarını əhatə edirlər. Apple ənənə üzrə 5 ildən çox, lakin 7 ildən az satışda olan cihazlarını köhnəlmiş cihazlar hesab edir. Bu dəfə bu siyahıya iPhone X, birinci nəsil HomePod səsgücləndiricisi və birinci nəsil AirPods naqilsiz qulaqlığı daxil olub. Şirkət bildirib ki, adları sadalanmış cihazların köhnəlmiş cihazlar siyahısına daxil olmalarına baxmayaraq onlar hələ də rəsmi Apple servislərində təmir üçün qəbul ediləcəklər.
Lakin təmir bu cihazlar üçün nəzərdə tutulmuş ehtiyat hissələrinin mövcud olduqları halda mümkün olacaq. Qeyd etmək lazımdır ki, iPhone X smartfonu 2017-ci ildə təqdim olunmuşdu və o, Apple üçün bir sıra mövzularda bir ilk idi. Məsələn iPhone X Apple şirkətinin Home fiziki düyməsiz, Face ID texnologiyalı və AMOLED ekranlı ilk smartfonu olmuşdu. Birinci nəsil HomePod səsgücləndiricisi həmin ildə baş tutmuş WWDC 2017 konfransı çərçivəsində, birinci nəsil AirPods naqilsiz qulaqlığı isə 2016-cı ilin sentyabr ayında iPhone 7 smartfon seriyası ilə birlikdə təqdim edilmişdi.
Paylaş
Bənzər xəbərlər
Süni İntellekt
Apple, süni intellekt xüsusiyyətlərinin istifadəsi üçün ödəniş tələb edə bilər!
Apple süni intellekt xüsusiyyətlərini pullu xidmətlər kimi təqdim etməyi planlaşdırır. Şirkətin xidmət sektoru son vaxtlar şirkətin əsas gəlir mənbəyinə çevrilib. Aparat satışlarının yavaşladığı bir dövrdə bu kimi xidmətlər, əhəmiyyətli bir çıxış yolu təqdim edir.
Cihazlar+
Kameralı AirPods modelinin çıxış tarixi məlum olub!
Dünyanın ən böyük qulaqlıq istehsalçılarından biri olan Apple, tezliklə maraqlı AirPods modelini satışa təqdim edəcək. Bir müddətdir sızdırılan kamera sistemli AirPods qulaqlıqlarının çıxış tarixi məlum olub.
Elm & Texnologiya
iPhone 16 Pro-larda olacaq A18 Pro prosessoru süni zəka performansında Apple M4-ü geridə qoya bilər
Sentyabr ayında təqdim olunacaq iPhone 16 smartfon seriyasının iPhone 16 Pro və iPhone 16 Pro Max modellərinin A18 Pro prosessoru vasitəsilə çalışacaqları gözlənilir.
Cihazlar+
Apple Watch Series 10 smart saatının CAD render fotoları təqdim edilib
Apple şirkəti sentyabr ayında iPhone 16 smartfon seriyası ilə birlikdə həmçinin Apple Watch Series 10 smart saatını da təqdim etməlidir.
Cihazlar+
iPhone 16 üçün olan keys video vasitəsilə sərgilənib
iPhone 16 smartfon seriyasının təqdimatına 3 aydan bir qədər az müddət qalıb. Bu səbəbdən də smartfonlar üçün keyslərin istehsalı ilə məşğul olan şirkətlər artıq iPhone 16 modelləri üçün məhsullarını satışa çıxartmağa hazırlaşırlar.
Ən çox oxunanlar
Splus.az - Azərbaycanın Əmlak Bazarında Yeni Bir Nəfəs!
