Apple fərdi 5G modemini gələn il bəzi iPhone-larına inteqrasiya edə bilər
Cihazlar+
09.09.2024
Emil
Artıq heç kim üçün sirr deyil ki, Apple şirkəti öz fərdi 5G modemi üzərində çalışır. Şirkət fərdi 5G modemini 2018-ci ildən hazırlamağa səy göstərir. Bu, 5G modem mövzusunda Qualcomm şirkətindən asılılığın aradan qaldırılmasına hədəflənib. Görünür, Apple fərdi 5G modeminin hazırlanması prosesinin yekunlaşmasına artıq çox yaxındır. Belə ki, yeni məlumata əsasən Apple fərdi 5G modemini artıq gələn ilki iPhone smartfonlarına inteqrasiya edə bilər.
Məşhur analitik Ming-Chi Kuo bildirib ki, şirkət gələn il 35-40 milyon ədəd yeni modem istehsal edəcək. 2026-cı ildə bu göstərici 90-110 milyona, 2027-ci ildə isə 160-180 milyona yüksələ bilər. Gözləntilərə əsasən Apple şirkətinin fərdi 5G modeminə sahib 2 yeni iPhone artıq gələn il təqdim olunacaq. Söhbət, 4-cü nəsil iPhone SE-dən və iPhone 17-nin nazik gövdəli versiyasından gedir. Qeyd etmək lazımdır ki, hal-hazırda aktual olan iPhone modelləri və bu gün gecə təqdim olunacaq iPhone 16 modelləri Qualcomm şirkətinin 5G modeminə sahibdirlər. Lakin Apple tədricən öz məhsullarında fərdi 5G modemə keçidi nəzərdə tutub.
Paylaş
Bənzər xəbərlər
Cihazlar+
Növbəti iPhone SE maye kristallik ekrandan yeni növ ekrana keçid edəcək
Apple şirkəti gələn ilin əvvəlində növbəti iPhone SE smartfonunu təqdim etməlidir. Nikkei Asia saytı isə öz növbəsində təqdim ediləcək bu smartfonun ekranı barəsində yeni məlumatı bölüşüb.
Cihazlar+
Təqdimata hazırlaşan Apple Watch Series 10 smart saatı barəsində ilk detallı məlumatlar təqdim edilib
Apple şirkətinin 9 sentyabr tarixində iPhone 16 smartfonları ilə yanaşı Apple Watch Series 10 smart saatını da təqdim edəcəyi gözlənilir.
Cihazlar+
iPhone 16 Pro modellərinin kameralarındakı çəkiliş rejimlərindən biri daha da yaxşılaşdırılmış olacaq
Apple şirkətinin 9 sentyabr tarixində təqdim edəcəyi iPhone 16 smartfon seriyasına daxil olacaq ənənəvi modellər arasında iPhone 16 Pro və iPhone 16 Pro Max olacaqlar.
Cihazlar+
Apple iPhone üçün xüsusi funksiyalara sahib keysi patentləşdirib
Apple şirkəti qeyri-adi aksesuarın təsvir olunduğu yeni patent sorğusunu göndərib. Söhbət, iPhone üçün nəzərdə tutulmuş xüsusi keysdən gedir.
Cihazlar+
iPhone 17 smartfonları yeni soyutma sisteminə sahib olacaqlar
Məşhur analitik Ming-Chi Kuo gələn il təqdim ediləcək iPhone 17 smartfon seriyası barəsində yeni məlumatları bölüşüb.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
