Apple gələn il nazik gövdəyə və yeni dizayna sahib daha bahalı iPhone 17-ni təqdim edə bilər
Cihazlar+
20.05.2024
Emil
Apple şirkətinin iPhone 16 smartfon seriyasını hələ bu ilin ikinci yarısında təqdim edəcəyinə baxmayaraq artıq indidən iPhone 17 barəsində məlumatlar kütləvi informasiya vasitələrində ortaya çıxırlar. The Information saytının vermiş olduğu yeni məlumata əsasən Apple şirkətinin gələn il təqdim edəcəyi iPhone 17 smartfon seriyasında bəzi dəyişikliklər olacaq. Belə ki, şirkət daha nazik gövdə dizaynına sahib tamamilə yeni iPhone 17 modelini təqdim edə bilər. Güman olunur ki, Apple sözügedən yeni iPhone 17-də tamamilə fərqli dizayn üzərində çalışır.
Belə ki, məlumatda qeyd edilib ki, hazırlanan bu iPhone 17 modelinin arxa kamera sahəsi arxa panelin yuxarı sol hissəsindən mərkəz hissəyə keçid edə, onun ekranı üzərindəki Dynamic Island çıxıntısının ölçüsü isə daha kiçik ola bilər. Bununla yanaşı smartfonun 6.1 düym-dən 6.7 düym-ə kimi aralıqda olan ekran ölçüsünü, Apple A19 prosessorunu yaxşılaşdırılmış ön kameranı əldə edəcəyi gözlənilir. The Information saytı bildirib ki, sözügedən iPhone 17 modeli premium smartfon siyahısına daxil olacaq və onun satış qiyməti iPhone 17 Pro Max-ın satış qiymətindən də yüksək olacaq. Qeyd etmək lazımdır ki, hal-hazırda iPhone 15 Pro Max-ın qiyməti 1199$-dan start götürür.
Paylaş
Bənzər xəbərlər
Cihazlar+
Apple, iyun ayında iPhone 16 üçün ekran paneli istehsalına başlaya bilər!
Analitik Ross Young-ın yeni hesabatına görə, iPhone 16-nın istehsalına iyun ayında başlanacağı gözlənilir. Bu, Apple-ın flaqman smartfonları üçün adi istehsal tarixinə uyğun gəlir və smartfonun sentyabrın ortalarında təqdim edilməsi nəzərdə tutur.
Cihazlar+
iPhone 16 Pro Max-ın daha böyük ölçüyə sahib olacağına dair foto sübut ortaya çıxıb
Apple şirkəti bu ilin ikinci yarısında iPhone 16 smartfon seriyasını təqdim edəcək. Sözügedən seriyaya daxil olacaq modellərdən biri də iPhone 16 Pro Max olacaq.
Cihazlar+
iPad Pro 2024 planşeti dözümlülük testlərindən keçib (VİDEO)
Apple şirkətinin keçən həftə təqdim etmiş olduğu M4 prosessorlu yeni iPad Pro planşeti Apple şirkətinin ən nazik planşeti olmaqla yanaşı həmçinin şirkətin indiyənə kimi hazırlamış olduğu ən nazik cihazdır.
Digər
Samsung şirkəti, Apple-ın iPad reklamını ələ salıb! (VİDEO)
Apple-ın M4 çipilə təchiz edilmiş iPad Pro üçün yaxın zamanda yayımlanan və istifadəçilərin reaksiyasına səbəb olan "Crush" reklamı Samsung-un zarafat mövzusuna çevrilib. Samsung öz paylaşdığı reklam çarxında Apple-ın iPad reklamını ələ salıb.
Proqram Təminatı
iOS 18-də olacaq bəzi yeni funksiyalar açıqlanıb
Apple şirkəti gələn ay keçiriləcək WWDC 2024 konfransı çərçivəsində iOS 18 əməliyyat sistemini təqdim edəcək. İndi isə şirkət iOS 18-də olacaq bəzi yeni funksiyalardan danışıb.
Ən çox oxunanlar
POCO F7 Pro və F7 Ultra flaqman smartfonları təqdim edilib - QİYMƏTİ
