Apple gələn ildən başlayaraq adi iPhone modelindən imtina edə bilər

     2026-cı ildə Apple iPhone modelləri xəttində gözlənilməz dəyişikliklər edə bilər. Belə ki, şirkət baza versiyasından imtina edə bilər. Məlumata görə, iPhone 18-in təqdimatı ilə birlikdə ABŞ şirkəti artıq baza modeli istehsal etməyəcək və onu əvvəlcə iPhone 17e, daha sonra isə 18e ilə əvəz edəcək. Apple bununla cihaz seçimlərinin həddindən artıq çoxalmasının qarşısını almaq istəyir, çünki həmin vaxta qədər şirkət iki yeni smartfon modeli - qatlana bilən və ultra nazik Air-i təqdim edəcək. Bu dəyişikliklər fonunda iPhone Pro və Pro Max modelləri buraxılmağa davam edəcək, Air modeli iPhone Plus-ı əvəz edəcək, əsas flaqman isə qatlana bilən iPhone olacaq. Qeyd edək ki, məhz iPhone Fold (şərti ad) modelinin çıxışı səbəbilə Apple öz cihaz buraxılış konsepsiyasını yenidən nəzərdən keçirə bilər: satışa əvvəlcə bahalı premium modellər çıxarılacaq, təxminən yarım il sonra isə daha əlçatan modellər bazara təqdim olunacaq.