Apple heç bir AR dəstəyinə sahib olmayan smart eynək üzərində çalışır
Cihazlar+
09.09.2024
Emil
Bloomberg saytının məşhur insayderi Mark Gurman xəbər verib ki, Apple şirkəti AR texnologiyasının dəstəyinə sahib olmayan smart eynək üzərində çalışır. Gözləntilərə əsasən Apple tərəfindən hazırlanan smart eynək Meta və Ray-Ban-ın əməkdaşlığı çərçivəsində istehsal edilərək 299$-a satılan smart eynək ilə rəqabət aparacaq. İnsayderin fikrincə Apple bu mövzuda Meta-nın yolu ilə gedə bilər.
Qeyd etmək lazımdır ki, Meta ilə Ray-Ban-ın birgə əməkdaşlığı çərçivəsində satılan smart eynək öz gövdəsində foto, video çəkilişləri, canlı yayımlar üçün nəzərdə tutulan kameraya, səsgücləndiricilərə, süni zəka əsaslı çat-botla qarşılıqlı əlaqə imkanına və hətta telefon zənglərinin qəbulu funksiyasına sahibdir. Bununla belə smart eynəkdə heç bir AR texnologiyasının dəstəyi mövcud deyil. AR texnologiyanın olmaması öz növbəsində Apple şirkətinə smart eynəyin istehsal xərclərini aşağı salmağa, onu daha ucuz qiymətə satmağa və eynəyi tez zamanda bazara çıxartmağa imkan verəcək. Gurman-ın sözlərinə əsasən Apple şirkətinin belə bir smart eynəyini 2027-ci ildən tez gözləmək lazım deyil.
Paylaş
Ən çox oxunanlar
Qatlana bilən Huawei MateBook Fold ULTIMATE noutbuku təqdim edilib - QİYMƏTİ
