Apple iOS 26.3-də Avropa üçün üçüncü tərəf cihazlara yeni imkanlar açır

    Technote.az “Engadget” platformasına istinadən bildirir ki, Apple Avropa Birliyinin Rəqəmsal Bazarlar Aktı (DMA) tələblərinə uyğunlaşmaq üçün iPhone-larda üçüncü tərəf cihazların istifadəsini bir qədər də asanlaşdırır. MacRumors nəşrinin məlumatına görə, iOS 26.3 versiyası ilə birlikdə Avropa İttifaqında üçüncü tərəf cihazlar üçün "proximity pairing" və bildirişlərin ötürülməsi funksiyaları aktivləşdiriləcək.

    Yeni funksiyalar yalnız Avropa üçün nəzərdə tutulub və istehsalçıların bu imkanları dəstəkləməsi şərti ilə işləyəcək. Bu dəyişikliklər sayəsində, məsələn, Sony qulaqlıqları və ya Wear OS əsaslı ağıllı saatlar iPhone-larla daha rahat istifadə oluna biləcək.

    Avropa Komissiyasının sözçüsü The Wall Street Journal-a açıqlamasında bildirib ki, DMA tərtibatçılar üçün innovativ məhsullar yaratmaq baxımından yeni imkanlar açır və bu addım Avropada daha inteqrasiya olunmuş rəqəmsal ekosistem formalaşdıracaq. Komissiyanın qeyd etdiyinə görə, bu funksiyalar 2026-cı ildən etibarən tam şəkildə tətbiq olunacaq.