Apple iPhone 15-in təqdimat tarixini elan edib

    Uzun müddət ərzində olmuş müxtəlif məlumat sızıntılarından sonra Apple şirkəti sonunda gələn aykı təqdimat tədbirini rəsmi şəkildə anons edib. Beləliklə rəsmi məlumata əsasən şirkətin növbəti təqdimat tədbiri 12 sentyabr tarixində baş tutacaq. Şirkət sözügedən tədbirdə iPhone 15 smartfon seriyasını, Apple Watch Series 9 və Watch Ultra 2 smart saatlarını təqdim etməlidir. Qeyd etmək lazımdır ki, iPhone 15 seriyasına ənənə üzrə 4 smartfonun daxil olacağı gözlənilir. iPhone 15, iPhone 15 Plus, iPhone 15 Pro və iPhone 15 Pro Max. Heç istisna deyil ki, iPhone 15 Pro Max-ın adı iPhone 15 Ultra ilə də əvəzlənsin.