Hələ bir neçə il bundan öncə Apple şirkəti iPhone Pro modelinin standart qiymətini 999$ dəyərində təyin etmişdi. Lakin insayderlərin vermiş olduqları yeni məlumata əsasən şirkət bu il sözügedən ənənəsini pozacaq və nəticədə iPhone Pro modelinin qiyməti daha baha olacaq. İnsayderlər bunun nə ilə bağlı ola biləcəyini açıqlayıblar. Bu il təqdim ediləcək iPhone 15 Pro modellərinin qiymətləri barəsində heç bir məlumat yoxdur. Lakin insayderlər düşünürlər ki, start qiymət 1049$-dan başlayacaq.

    Məlumatda qeyd edilib ki, bunun əsas səbəbi təkcə inflyasiya və smartfonlarda istifadə edilən komponentlərin qiymətlərindəki artım ilə deyil, həmçinin istehsalat xərclərinin artması ilə bağlıdır. Şirkətin bu ilki iPhone 15 və iPhone 15 Plus modellərinin qiymətlərini aktual olan versiyaların qiymətləri səviyyəsində saxlaya bilib-bilməyəcəyi məlum deyil. Ola bilər ki, şirkət iPhone 15 Pro ilə birlikdə digər modellərin də qiymətlərini qaldırsın. İnsayderlərin əmin olduqları əsas məsələ ondan ibarətdir ki, Apple bu il iPhone 15 və iPhone 15 Plus ilə iPhone 15 Pro modelləri arasındakı fərqi daha da artıracaq. Bu fərq həm texniki özəllikləri həm də satış qiymətlərini əhatə edəcək.