Advanced Semiconductor Engineering (ASE) şirkətinin, yaxın zamanda təqdim olunacaq iPhone 16 seriyası üçün iki SiP (paket içində sistem) modulu təmin etmək üzrə Apple-dan xüsusi sifariş aldığı bildirilir. Bu çiplər bir sonrakı iPhone seriyasında səs səviyyəsini və güc düymələrini əvəz edərək əlavə funksionallıq təmin edən toxunma tutumlu kapasitiv düymələrə güc verəcək.

     Əvvəlki xəbərlərə görə, iPhone 16 seriyasında "Capture" düyməsi adlı kapasitiv düymənin olacağı, səs və güc düymələrinin isə əvvəlki kimi fiziki şəkildə qalacağı bildirildi. Bununla belə, son xəbərlərə görə isə Apple-ın fiziki düymələrdən imtina edəcəyini proqnozlaşdırılır. Bildirilir ki, böyük miqdarda sifariş alan ASE bu ilin üçüncü rübündə sifarişləri yerinə yetirmək üçün istehsal həcmini genişləndirməyə çalışır.

     "Taptic Engine" motoru ilə işləyəcək düymələrin daha hansı xüsusiyyətləri yerinə yetirəcəyi hələ ki məlum deyil. Bir müddətdir ki, Apple-ın fiziki düymələrdən xilas olmaq istədiyi isə məlum haldır. Daha əvvəl iPhone 7 ilə fiziki "Home" düyməsi yerinə "Taptic Engine" ilə toxunma reaksiyalı bir düyməyə keçid edən şirkət, səs səviyyəsi və güc düymələrilə də eyni keçidi etməyə hazırlaşdığı görünür. Bu keçidin bütün iPhone 16 modellərində, yoxsa yalnız Pro modellərində olacağı isə hələlik məlum deyil.