Apple macOS 27-ni təqdim etdi

    Apple macOS əməliyyat sisteminin yeni versiyası olan macOS 27 Golden Gate üçün ictimai beta versiyasını istifadəyə verib. Bununla da şirkət Intel prosessorlu Mac kompüterlərinə yeni əməliyyat sistemi dəstəyini rəsmi olaraq dayandırıb. Xatırladaq ki, Apple ötən il WWDC tədbirində macOS 26-nın Intel əsaslı Mac kompüterləri üçün son böyük yeniləmə olacağını açıqlamışdı. Şirkət verdiyi vədə sadiq qalaraq macOS 27-ni yalnız Apple Silicon (M seriyalı) prosessorlarla təchiz olunan Mac modelləri üçün təqdim edib.

    Yeni əməliyyat sistemi istifadəçilərə bir sıra yeniliklər gətirir. Bunlara yeni nəsil Siri, təkmilləşdirilmiş Apple Intelligence funksiyaları, uşaqların təhlükəsizliyini artıran yeni alətlər və daha fərdiləşdirilə bilən Liquid Glass dizaynı daxildir. Bununla yanaşı, Apple bildirir ki, macOS 27-ni dəstəkləyən bütün M seriyalı Mac modelləri yeni əməliyyat sistemini quraşdıra bilsə də, Apple Intelligence və yeni Siri funksiyalarının hamısı bütün cihazlarda əlçatan olmayacaq. Bu imkanlardan istifadə üçün daha güclü Apple Silicon çipləri tələb oluna bilər.