Apple Music abunə qiymətlərini artırdı

    Apple şirkəti Apple Music xidmətinin abunə qiymətlərini ABŞ, Avropa və Böyük Britaniyada artırıb. Yeni qiymətlər artıq yeni istifadəçilər üçün qüvvəyə minib, mövcud abunəçilər isə növbəti ödəniş dövründən etibarən yenilənmiş tariflərlə ödəniş edəcəklər.

   ABŞ-də Individual planının aylıq qiyməti 10,99 dollardan 11,99 dollara, Student planı 5,99 dollardan 6,99 dollara, Family planı isə 16,99 dollardan 19,99 dollara yüksəlib.

    Avropa ölkələrində də oxşar artım tətbiq olunub. Burada Individual planı 11,99 avro, Student planı 6,99 avro, Family planı isə 19,99 avroya başa gələcək. Böyük Britaniyada isə Individual planının qiyməti 11,99 funt sterlinq, Family planının qiyməti isə 19,99 funt sterlinq olub. Şirkətin açıqlamasına görə, qiymət artımı musiqi lisenziyalaşdırma xərclərinin yüksəlməsi ilə əlaqədardır.