Apple öz əsas cihazlarını daha nazik gövdə ilə təmin etməyi hədəfləyib
Cihazlar+
20.06.2024
Emil
Apple keçən ay M4 prosessorlu iPad Pro 2024 planşetini təqdim etdi. Nəticədə iPad Pro 2024 modeli iPad tarixinin ən nazik modeli olmaqla yanaşı Apple tarixinin də ən nazik cihazı oldu. Belə ki, iPad Pro 2024-ün 13 düym ölçülü ekrana sahib versiyasının qalınlığı 5.1 mm təşkil edir. Bu isə onu hətta iPod Nano-dan belə nazik cihaz edir. Bloomberg saytının məşhur insayderi Mark Gurman-ın sözlərinə əsasən bu, Apple şirkətinin öz cihazlarını daha nazik etməsi istiqamətində yalnız başlanğıcdır. Belə ki, insayder bildirib ki, Apple öz cihazlarının dizaynlarını yeniləyərək onları daha nazik və yüngül etməyə hədəflənib.
Bu həm smartfonlar həm noutbuklar həm də smart saatlar üçün nəzərdə tutulub. Gurman-ın sözlərinə əsasən gələn il təqdim ediləcək iPhone 17 smartfon seriyasında hal-hazırki iPhone-lardan daha nazik gövdəyə sahib olacaq tamamilə yeni model olacaq. Bundan əlavə olaraq məlumatda həmçinin qeyd edilib ki, Apple üstəlik yenilənmiş dizayna sahib MacBook Pro və Apple Watch üzərində də çalışır. İnsayder əlavə edib ki, keçən ay təqdim edilmiş nazik gövdəli iPad Pro 2024 planşeti şirkət üçün tamamilə yeni sinif cihazların başlanğıcıdır. Onun sözlərinə əsasən Apple üçün tamamilə yeni olacaq bu cihazlar sinifinə texnoloji sahədə öz kateqoriyalarında ən nazik və yüngül gövdəyə sahib cihazlar daxil olacaqlar. Nazik gövdəyə sahib MacBook ilə Apple Watch-un isə nə zaman işıq üzü görəcəkləri məlum deyil.
Paylaş
Bənzər xəbərlər
Proqram Təminatı
HarmonyOS Çində iOS-dən daha məşhur olub
Bir neçə il bundan öncə Huawei şirkəti ABŞ sanksiyalarına cavab olaraq özünün HarmonyOS adlı əməliyyat sistemini yaratdı. İndi isə məlum olub ki, sözügedən əməliyyat sistemi Çindən iOS-dən daha məşhurdur.
Proqram Təminatı
Keçən ilki iOS 17 və iPadOS 17-nin istifadəçilər arasında nə dərəcədə məşhur olduqları sərgilənib
Apple şirkəti bir neçə gün bundan öncə iOS 18 və iPadOS 18 əməliyyat sistemlərini təqdim etdi. Bu yeni əməliyyat sistemlərinin stabil versiyaları ilin sonuna kimi istifadəyə verilməlidir.
Tech-Biznes
Apple brendinin dəyəri 1 trilyon dolları keçib
Bazar dəyəri fəaliyyətdə olan hər hansısa şirkətin uğurunun qiymətləndirilməsi üçün istifadə edilən yeganə üsul deyil. Belə ki, dünyanın ən bahalı brendləri kimi reytinq mövcuddur.
Proqram Təminatı
Apple cihazlarına Google Gemini kimi digər süni zəka modelləri də inteqrasiya ediləcək
Apple şirkətinin tərtibatçılar üçün nəzərdə tutulmuş WWDC 2024 konfransından öncə məlumatlar ortaya çıxmışdı ki, şirkət öz cihazlarına ChatGPT-nin inteqrasiyası mövzusunda OpenAI ilə danışıqlar aparır.
Tech-Biznes
Apple Intelligence ekosisteminin təqdimatından sonra şirkət səhmlərinin ümumi dəyəri artıb
Apple şirkəti 10 iyun tarixində start götürmüş WWDC 2024 konfransı çərçivəsində süni zəka funksiyalarından təşkil edilmiş Apple Intelligence ekosistemini təqdim edəndən sonra onun səhmlərinin ümumi dəyəri yenidən yüksəlib.
Ən çox oxunanlar
Splus.az - Azərbaycanın Əmlak Bazarında Yeni Bir Nəfəs!
