Apple qatlana bilən iPhone-nun konseptini dəyişib
Cihazlar+
04.12.2024
Emil
Apple şirkəti qatlana bilən smartfonunu təqdim etməmiş yeganə məşhur şirkətdir. Son zamanlarda ortaya çıxmış məlumatlara əsasən şirkət öz ilk qatlana bilən smartfonu üzərində aktiv şəkildə çalışır və onu yaxın illər ərzində təqdim edə bilər. İndi isə məşhur analitik Ross Young məlumat verib ki, qatlana bilən iPhone insanların onu hal-hazırda təsəvvür etdikləri kimi olmaya bilər. Daha öncə güman olunurdu ki, qatlana bilən iPhone smartfonu Samsung Galaxy Z Flip kimi olacaq. Yəni o, qatlana bilən qapaqlı smartfon olacaq.
Bu cür smartfonlara flip form-faktoruna sahib smartfonlar deyirlər. Lakin analitik qeyd edib ki, Apple öz ilk qatlana bilən smartfon konseptini dəyişib və nəticədə digər form-faktoru nəzərdən keçirir. Belə ki, məlumata əsasən qatlana bilən iPhone smartfonu xarici görünüşcə Galaxy Z Fold-a bənzəyəcək. Yəni smartfon kitab formasında hazırlanacaq. Məlumatda qeyd edilib ki, bu cür qərar böyük ekranlı smartfonların hal-hazırda alıcılar arasında çox məşhur olmaları ilə əlaqələndirilir. Bu öz növbəsində iPhone 16 Pro və iPhone 16 Pro Max smartfonlarındakı ekran ölçülərinin nəyə görə böyüməsini əks etdirir. Gözləntilərə əsasən qatlana bilən iPhone 2026-cı ildə təqdim olunacaq.
Paylaş
Bənzər xəbərlər
Tech-Biznes
Apple öz əməkdaşlarını izlədiyi iddiası ilə məhkəməyə verilib
Apple əməkdaşlarından biri şirkəti məhkəməyə verib. Şirkəti məhkəməyə vermiş əməkdaşın sözlərinə əsasən Apple öz əməkdaşlarını təkcə iş zamanı deyil, şirkətdən kənarda da izləyir.
Cihazlar+
Apple-ın yeni patentinə görə, iPhone-lara birdən çox "Action" düyməsi gələ bilər!
Apple-ın yeni patenti iPhone-lara istifadəçi tərəfindən fərdiləşdirilə bilən bir neçə "Action" düyməsinin əlavə edilə biləcəyini ortaya qoyub.
Elm & Texnologiya
Apple artıq M5 prosessorlarının istehsalını sifariş verib
Koreyanın The Elec saytının vermiş olduğu məlumata əsasən Apple şirkəti Tayvanın məşhur prosessor istehsalçısı olan TSMC-ya M5 prosessorlarının istehsalı sifarişini verib.
Cihazlar+
Apple smart qolbağını patentləşdirib
Məlum olub ki, Apple şirkəti daha bir texnologiyanı patentləşdirib. Patent sənədi şirkətin 2021-ci ildən hazırladığı texnologiyanı əks etdirir.
Cihazlar+
Apple smart saatlar üçün qan təzyiqinin yeni ölçülməsi üsulunu patentləşdirib
Apple şirkəti öz smart saatları üçün nəzərdə tutulmuş yeni texnologiyanı patentləşdirib. Patentləşdirilmiş texnologiya smart saatlar vasitəsilə qan təzyiqinin ölçülməsini mümkün edir.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
