Apple qatlanan iPhone Duo-nu niyə indi təqdim etdiyini açıqladı

    “Apple” bu həftə keçirilən tədbirdən sonra qatlana bilən “iPhone Duo” modelini niyə məhz indi təqdim etdiyini açıqlayıb. Şirkətin yeni baş direktoru John Ternus bildirib ki, model artıq keyfiyyət, davamlılıq və dizaynla bağlı tələblərə cavab verir. O, “iPhone 18 Pro” ilə yanaşı, yeni modelin hazırlanması prosesindən də danışıb.

    John Ternusun sözlərinə görə, “iPhone Duo” avadanlıqla proqram təminatının birlikdə işləməsinin yaxşı nümunəsidir. Qatlana bilən quruluş smartfonun bir çox hissəsinə yenidən baxmağa imkan verib. Şirkət cihazın fiziki quruluşu, proqram təminatı və ümumi dizaynı üçün fərqli həllər hazırlayıb. Sonda məhsulun təqdimata hazır olduğuna qərar verilib.

    “Apple” şirkətinin marketinq üzrə baş vitse-prezidenti Greg Joswiak deyib ki, onlar rəqiblərin qatlana bilən smartfonlarını o qədər də cəlbedici hesab etmirlər. Ternusun fikrincə, mövcud modellərin ekranlarındakı plastik səthlər ucuz təsir bağışlayır və toxunduqda xoş hiss yaratmır. O, həmin ekranlarda dalğaların və qırışların da göründüyünü bildirib.

    Ternus müsahibədə “Apple” şirkətinin baş direktoru kimi ilk həftəsindən də danışıb. O, bu vəzifəyə təyin olunacağını öyrənəndə böyük həyəcan keçirdiyini və bunu xüsusi etimad kimi qəbul etdiyini bildirib. Ternus həyatının yarısını şirkətdə keçirdiyini və əməkdaşlarla birlikdə məhsullar hazırlamağı sevdiyini deyib. Yeni rəhbər şirkətin gələcəyinə nikbin baxdığını da əlavə edib.