Son vaxtlar Çin üçün vəziyyət heç də yaxşı getmir. ABŞ tərəfindən sanksiyalara məruz qalan Çinin bir çox məşhur tətbiqləri də qlobal səviyyədə məlumat oğurluğu ilə günahlandırılır. Bu səfər isə Apple Çinin App Store-undan minlərlə tətbiqi silməyə başlayıb. Bunlar arasında çox məşhur tətbiqlər də yerləşir. Tədqiqat şirkəti olan Qimai-nin verdiyi məlumatlara görə bu gün daxil olmaqla Çində App Store-dan 29.800 tətbiq silinib.

        Verilən məlumatlara görə 26.000-dən çoxu oyun olan ümumi 29.800 tətbiq App Store-dan silinib. Qeyd edək ki, Çin bazarı Apple üçün çox ciddi gəlir mənbəyidir. Beləki Sensor Tower tərəfindən verilən məlumatlarda şirkətin 2019-da çinli tətbiq və oyunlardan 12.6 milyard dollardan daha çox gəlir əldə etdiyi deyilir. 

        Apple bu ilin əvvəllərində App Store-dan lisenziyası bildirilməyən şirkətlərə aid tətbiq və oyunların silinəcəyini bəyan etmişdi. Bu qərar səbəbilə tərtibatçılara 31 İyula qədər vaxt verilmişdi. Bu vaxt aralığında lisenziyası Apple-a bildirilməyən şirkətlərin bütün tətbiq və oyunları silinəcəkdi. Deyildiyi kimi də oldu. Təxminlərə görə bu ilin sonuna qədər daha çox tətbiq və oyun App Store-dan silinəcək.