Apple şirkəti Powerbeats Pro 2 naqilsiz qulaqlığını satışa çıxartmağa hazırlaşır
Cihazlar+
21.01.2025
Emil
Hələ bir neçə müddət bundan öncə məlumat ortaya çıxmışdı ki, Apple şirkəti Powerbeats Pro 2 adlı yeni naqilsiz qulaqlığını satışa çıxartmağa hazırlaşır. İndi isə Bloomberg saytının məşhur insayderi Mark Gurman satışa hazırlaşan bu yeni naqilsiz qulaqlıq barəsində yeni təfərrüatları təqdim edib. Beləliklə insayder bildirib ki, Apple yaxın zamanda bu yeni naqilsiz qulaqlığın jurnalistlər üçün qapalı təqdimatını keçirəcək və təqdimat barəsində onun barəsində ətraflı məlumat verəcək.
Fevral ayının əvvəlində isə Powerbeats Pro 2-nin satışa çıxması gözlənilir. Bununla yanaşı insayder bildirib ki, Apple şirkətinin bu yeni naqilsiz qulaqlığı xarici görünüşcə birinci nəsil Powerbeats Pro-ya bənzəyəcək və üstəlik ətraf səs-küyün aktiv boğulması özəlliyini əldə edəcək. Bundan əlavə olaraq naqilsiz qulaqlıq özündə Spatial Audio və Adaptive Audio texnologiyalarını birləşdirəcək. Powerbeats Pro 2-nin əsas fərqləndirici özəllikləri sırasında ürək döyüntüləri tezliyi ilə təzyiqin ölçülməsi imkanı olacaq. İnsayderin sözlərinə əsasən bu ölçmə prosesləri idmanla məşğul olma və ya digər fiziki hərəkətlərin yerinə yetirilməsi zamanı iki qulaqlıqdan istifadə halında baş tutacaqlar.
Paylaş
Bənzər xəbərlər
Proqram Təminatı
iOS 19-da Camera tətbiqini irimiqyaslı redizayn gözləyir (VİDEO)
Apple şirkəti iOS 19-u bu ilin iyun ayında baş tutacaq WWDC 2025 konfransı çərçivəsində təqdim etməlidir. İndi isə internetdə iOS 19-dakı Camera tətbiqində reallaşdırılacaq böyük yenilənmə barəsində məlumat ortaya çıxıb.
Cihazlar+
iPhone 17 Air-in hansı dərəcədə nazik gövdəyə sahib olacağı sərgilənib
Son aylar ərzində ortada gəzən məlumatlara əsasən Apple şirkətinin bu ilin ikinci yarısında təqdim edəcəyi iPhone 17 seriyasına iPhone 17 Air adlı nazik gövdəli model daxil olacaq.
Cihazlar+
Apple iPhone-da Face ID-nin ekranın alt hissəsinə yerləşdirilmə üsulunu tapıb
Apple tərəfindən son zamanlarda əldə edilmilş bir neçə patentə əsasən şirkət iPhone ekranlarındakı Dynamic Island çıxıntısının ölçüsünü maksimal dərəcədə kiçiltmək istəyir.
Cihazlar+
Növbəti iPhone SE-nin maketlərinin fotoları təqdim edilib
Artıq bir neçə aydır ki, mütəmadi şəkildə növbəti iPhone SE barəsində müxtəlif məlumatlar ortaya çıxır. Bu smartfonun bu ilin birinci yarısında təqdim olunacağı gözlənilir.
Cihazlar+
iPhone 17 Air və Galaxy S25 Slim kiçik həcmli batareyaya sahib ola bilərlər
Samsung-un 22 yanvar tarixində təqdim edəcəyi Galaxy S25 smartfon seriyasına nazik gövdəli Galaxy S25 Slim modeli daxil olacaq. Üstəlik son məlumat sızıntılarına əsasən Apple şirkəti də bu ilin ikinci yarısında öz nazik gövdəli smartfonunu təqdim edəcək.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
