Reklam
Apple son 5 ildə ilk dəfə yeni iPhone-ların qiymətlərini qaldıracaq

Apple son 5 ildə ilk dəfə yeni iPhone-ların qiymətlərini qaldıracaq

Mobil Cihazlar
06.06.2022 PAYLAŞIM

    Məşhur insayder Jon Prosser də daxil olmaqla bəzi mənbələrin verdikləri məlumata əsasən Apple şirkəti bu ilki iPhone 14 modellərinin satış qiyməltərini qaldırmaq niyyətindədir. Qeyd etmək lazımdır ki, bu il 5.4 düym ekranlı iPhone mini modelinin əvəzlənməsi gözlənilir. Belə ki, sözügedən model alıcılar arasında elə də böyük tələbata sahib deyil. Gözləntilərə əsasən onu 6.7 düym ekrana sahib iPhone 14 Max modeli əvəz edəcək. Beləliklə iPhone SE modelini saymasaq, Apple şirkətinin digər büdcəli smartfon modeli qismində adi iPhone 14 çıxış edəcək. Verilmiş məlumata əsasən iPhone 14-ün minimal konfiqurasiyalı versiyası 799$-a satılacaq.


    iPhone 14 ilə müqayisədə daha böyük ekrana və batareya həcminə sahib iPhone 14 Max-ın qiyməti 899$-dan başlayacaq. iPhone 14 Pro modellərinə gəldikdə isə insayderlərin verdikləri məlumata əsasən onların qiymətlərində 100$ artım olacaq. Beləliklə iPhone 14 Pro-nun qiyməti 1099$-dan, iPhone 14 Pro Max-ın qiyməti isə 1199$-dan başlayacaq. Qeyd etmək lazımdır ki, sonuncu dəfə bu cür qiymət artımı iPhone X-də baş vermişdi. Həmin vaxtda o, 999$-a satışa çıxmışdı. Son məlumat sızıntılarına əsasən iPhone 14 Pro modellərinin ön panel dizaynlarında dəyişiklik olacaq.

    Belə ki, iPhone 14 Pro modellərinin ekranları üzərində ənənəvi çıxıntı hissə olmayacaq. Onun əvəzinə sözügedən modellərin ekranlarında 2 ədəd kiçik ölçülü çıxıntı reallaşdırılacaq. Onlardan biri dairəvi formada, digəri isə oval formada olacaq. Bununla yanaşı iPhone 14 Pro modellərinin arxa kameralarından ən əsasının 48 MP-lik olacağı güman edilir. Məlumatlarda həmçinin qeyd edilir ki, adi iPhone 14 və iPhone 14 Max modelləri keçən ilki A15 Bionic prosessoru, iPhone 14 Pro modelləri isə A16 Bionic prosessoru ilə təchiz olunacaqlar. iPhone 14 smartfon seriyasının sentyabr ayında təqdim ediləcəyi gözlənilir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


POCO F4 və POCO X4 GT smartfonları təqdim olunub - QİYMƏTİ

Xiaomi tərəfindən keçirilmiş rəsmi təqdimat çərçivəsində POCO brendi öz yeni smartfonlarını təqdim e..


Nothing Phone (1)-in bəzi texniki özəllikləri Geekbench vasitəsilə təsdiqlənib..

Təqdimata hazırlaşan Nothing Phone (1) smartfonunun dizaynı və hətta çalışma prosesi daha öncədən sə..


iPhone 14 smartfonları bir dəfə şarj olunandan sonra əvvəlki iPhone-lardan daha ..

Çinin Baidu adlı sosial şəbəkəsində iPhone 14 smartfonlarının vacib özəlliklərindən birini əhatə edə..


6000 mAh batareyaya sahib büdcəli Galaxy F13 smartfonu təqdim olunub - QİYMƏTİ..

Samsung şirkəti Galaxy F13 adlı yeni büdcəli smartfonunu təqdim edib.


Nothing Phone (1)-in hərtərəfli dizaynı və unikal funksiyaları sərgilənib (VİDEO..

MKBHD adlı Youtube kanalının müəllifi məşhur blogger Marques Brownlee OnePlus şirkətinin keçmiş həmt..


Xiaomi 12 Ultra flaqman smartfonunun yeni real fotoları ortaya çıxıb

Twitter-də Xiaomi şirkətinin təqdimata hazırlaşan Xiaomi 12 Ultra flaqman smartfonunun yeni real fot..

×