Apple TV+ yazıçıya tam yaradıcılıq azadlığı verdi: Cosmere ekranlara gəlir

    Technote.az “Engadget” platformasına istinadən bildirir ki, Apple TV+ məşhur elmi-fantastika yazıçısı Brandon Sanderson ilə onun Cosmere kainatında keçən əsərlərinin ekranlaşdırılması üçün genişmiqyaslı razılaşma imzalayıb.

    Razılaşmaya əsasən, Sanderson-un ən məşhur seriyalarından biri olan Mistborn kitabları əsasında tammetrajlı filmlər, eləcə də Cosmere kainatına daxil olan digər əsərlər üzrə serial layihələri hazırlanacaq. Yazıçı daha əvvəl İspaniyada keçirilən Celsius 232 fantastika festivalında “yaxşı bir Mistborn filmi çəkməyin onun ən böyük arzusu olduğunu” demişdi və görünür, Apple TV+ bu arzunu reallaşdırmağa hazırdır.

    The Hollywood Reporter nəşrinin məlumatına görə, bu razılaşmanı fərqləndirən əsas məqam Sanderson-un layihələr üzərində misilsiz yaradıcılıq nəzarəti əldə etməsidir. O, filmlərin və serialların ssenarisində, istehsal prosesində və yaradıcı qərarlarda birbaşa iştirak edəcək, hətta əsas detallara yekun təsdiq vermək səlahiyyətinə malik olacaq.