Apple veteranı Sam Altman və Jony Ive ilə birgə süni zəka əsaslı cihaz üzərində çalışacaq

Cihazlar+

27.12.2023

Emil

Hələ bir neçə müddət bundan öncə məlumat ortaya çıxmışdı ki, OpenAI şirkətinin CEO-su Sam Altman Apple şirkətinin keçmiş baş dizayneri Jony Ive ilə birgə süni zəka əsaslı hansısa cihaz üzərində çalışırlar. İndi isə məlum olub ki, Sam Altman və Jony Ive bu layihəyə Apple veteranlarından birini cəlb edə biliblər. Söhbət, Apple şirkətinin iPhone və Apple Watch dizaynı şöbəsinin keçmiş vitse-prezidenti Tang Tan-dan gedir. Onun Apple şirkətindən ayrılacağı bu ayın əvvəlində məlum oldu.

Bloomberg saytının məlumatına əsasən Tang Tan-ın Apple-dan ayrılması qərarı şirkət üçün əsl zərbə olub. Belə ki, o, şirkətin əsas məhsulları ilə bağlı vacib qərarları qəbul edirdi. Tang Tan öz növbəsində Jony Ive-ın LoveFrom adlı dizayn şirkətinin əməkdaşı olacaq. LoveFrom Sam Altman-ın Jony Ive ilə birgə hazırladığı gizli cihazın xarici görünüşündən cavabdeh olacaq. Bloomberg saytının anonim mənbələrinin sözlərinə əsasən Altman isə cihazı proqram təminatı platforması ilə təmin edəcək. Məlumata əsasən Tang Tan hazırlanan həmin gizli cihazı istehsal edəcək yeni şirkətin dizayn şöbəsinin rəhbəri qismində də çalışacaq. Nəticədə bunun necə bir cihaz olacağı hələ sirr olaraq qalır.

Paylaş

jony ive

sam altman

Bənzər xəbərlər