Apple Vision Pro ilə əlil arabasını gözlə idarə etmək mümkün olacaq

    Technote.az “Engadget” platformasına istinadən bildirir ki, Apple "accessibility" imkanlarını genişləndirən yeni funksiyalarını təqdim edib. Şirkətin elan etdiyi yeniliklər arasında ən diqqətçəkəni isə Apple Vision Pro istifadəçilərinin elektrik mühərrikli əlil arabalarını göz hərəkətləri ilə idarə edə bilməsidir.

    Yeni funksiya Vision Pro başlığının yüksək dəqiqlikli göz izləmə sistemindən istifadə edir. Beləliklə, istifadəçilər əlavə idarəetmə qurğularına ehtiyac olmadan uyğun alternativ sürüş sistemləri ilə təchiz edilmiş əlil arabalarını yalnız baxışları ilə idarə edə biləcəklər. Apple bildirir ki, sistem tez-tez yenidən kalibrləmə tələb etmir və müxtəlif işıqlandırma şəraitində stabil işləyir. Texnologiya TOLT və LUCI alternativ idarəetmə sistemləri ilə uyğunluq əldə edib, həm Bluetooth, həm də simli bağlantını dəstəkləyir.

    Apple bununla yanaşı Apple Intelligence əsaslı bir sıra yeni əlçatanlıq funksiyalarını da təqdim edib. VoiceOver funksiyasına əlavə edilən Image Explorer sistemi şəkilləri daha detallı təsvir edə biləcək. İstifadəçilər artıq fotoşəkillər, sənədlər, qəbzlər və digər vizual materiallar barədə daha geniş məlumat əldə edə biləcəklər.