Apple Watch smart saatları süni zəka ilə qarşılıqlı əlaqə üçün kamera ilə təchiz olunacaqlar

     Apple gələcəkdə Apple Watch smart saatlarını süni zəkaya malik taxıla bilən cihazlar kimi təqdim etmək istəyir. Bunun üçün şirkət ətraf mühiti “görə” bilən kameralı bir neçə yeni smart saat modeli üzərində çalışır. Bu barədə Bloomberg-in məşhur insayderi Mark Gurman məlumat verib. Süni zəka alqoritmlərinin inkişafı Apple-ın mövcud Visual Intelligence texnologiyası ilə paralel şəkildə irəliləyəcək - Apple bu texnologiyanın gələcəkdə AirPods qulaqlıqlarında da tətbiqini planlaşdırır. Qeyd edək ki, bu funksiya kamera obyektivinə düşən obyektlər haqqında tez bir zamanda məlumat axtarışı aparmağa imkan verir.

     Hazırda bu texnologiya əsasən OpenAI və Google tərəfindən hazırlanmış neyron şəbəkələrə əsaslanır. Gurman-ın sözlərinə görə, Apple gələcəkdə Visual Intelligence texnologiyasını digər şirkətlərin neyron şəbəkələrindən asılılıqdan çıxarmağı planlaşdırır. “Apple-ın Visual Intelligence ilə bağlı planları nəticə etibarilə iPhone-un hüdudlarını aşır. Şirkət bu funksiyanı gələcək cihazların əsasına çevirmək istəyir - bura mən artıq bir neçə aydır haqqında yazdığım kameralı AirPods da daxildir. Bununla yanaşı, Apple Visual Intelligence texnologiyasını OpenAI və Google modellərindən deyil, öz süni zəka modellərinə yönəltmək niyyətindədir.”  - Gurman-ın açıqlamasında belə deyilir.

    Kameralı Apple Watch modelləri ilə bağlı insayder bildirib ki, şirkət bu cür cihazlar üzərində işləyir və bu həm əsas, həm də flaqman modellərə aiddir. Standart Apple Watch modellərində kamera birbaşa ekrana inteqrasiya olunacaq, lakin bunun üçün ekran üzərində çıxıntının tələb olunacağı və ya kamera sensorunun ekranın altında yerləşəcəyi məlum deyil. Watch Ultra modelində isə kamera gövdənin kənarında, fiziki düymənin yanında yerləşəcək. Bu sayədə, istifadəçilər kameradan istifadə edərək ətrafdakı obyektləri daha rahat skan edə biləcəklər. Gurman-ın məlumatına görə, kameralı Apple Watch modelləri bazarda ən azı 2027-ci ildən tez təqdim olunmayacaqlar. Kameralı AirPods-un da daha tez təqdim olunacağı gözlənilmir. İnsayder qeyd edib ki, yeni məhsulların təqdimat tarixləri əsasən Apple-ın öz süni zəka alqoritmlərinin inkişafının nə dərəcədə uğurlu olmasından asılı olacaq.

Mənbə: 9to5mac

Bənzər xəbərlər

Cihazlar+

Məşhur insayder qatlana bilən iPhone-nun gələn il təqdim olunacağını söyləyib

Bloomberg-in məşhur insayderi Mark Gurman təsdiqləyib ki, Apple gələn il uzun müddətdir haqqında söz-söhbət gəzən ilk qatlana bilən iPhone modelini təqdim etməyi planlaşdırır.

Proqram Təminatı

Apple WWDC 2025 konfransının keçirilmə tarixlərini elan edib

Apple şirkəti tərtibatçılar üçün nəzərdə tutulmuş illik Worldwide Developers Conference (WWDC) konfransının tarixlərini açıqlayıb.

Cihazlar+

Avropa Birliyi heç bir girişə sahib olmayan iPhone-nun satışı üçün problem yaratmayacaq

Qeyri-rəsmi məlumatlara görə, Apple bu payızda tarixindəki ən incə smartfonu olacaq iPhone 17 Air modelini təqdim edəcək. Şirkət əvvəlcə bu cihazı tamamilə şarj girişi olmadan dizayn etməyi düşünürdü, lakin Avropa Birliyi ilə mümkün münaqişədən çəkinərək bu ideyadan imtina edib.

Proqram Təminatı

Süni zəkanın Siri-yə inteqrasiyasındakı problemlər Apple şirkətinə baha başa gələcək

Siri səsli köməkçisinin yenilənmiş versiyasının çıxışının daha 1 il gecikməsi Apple üçün ciddi maliyyə itkisinə səbəb ola bilər. iPhone satışlarının artımı yavaşlayır və süni zəkanın qlobal yüksəlişi dövründə geridə qalmaq investorlar tərəfindən bağışlanmayacaq.

Cihazlar+

Qatlana bilən iPhone-nun qiyməti iPhone 16 Pro Max-dan iki dəfə baha ola bilər

Birinci qatlana bilən iPhone-un ABŞ-da başlanğıc qiyməti təxminən 2300$ ola bilər. Barclays bankının analitiki Tim Long investorlara ünvanladığı qeyddə belə bir proqnoz verib.