Apple Xcode-a OpenAI və Anthropic-in AI kod agentlərini inteqrasiya edir

    Technote.az “The Verge” platformasına istinadən bildirir ki, Apple proqramçılar üçün hazırladığı Xcode platformasına OpenAI və Anthropic-in süni intellektlə işləyən kod agentlərini birbaşa inteqrasiya etdiyini elan edib. Xcode 26.3 versiyası ilə birlikdə tərtibatçılar Anthropic-in Claude Agent-i və OpenAI-ın Codex-i vasitəsilə kod yazmaq, mövcud kodu redaktə etmək, layihə parametrlərini yeniləmək, sənədləri axtarmaq və digər texniki tapşırıqları avtomatik şəkildə yerinə yetirə biləcəklər.

     Xcode iPhone, Mac, iPad, Apple Watch və Apple TV üçün tətbiqlərin hazırlanması və test edilməsi üçün istifadə olunan Apple-ın rəsmi proqramlaşdırma mühitidir. İndiyə qədər Claude və ChatGPT Xcode daxilində yalnız köməkçi rolunda istifadə olunurdu. Yeniləmə ilə isə bu süni intellekt alətləri artıq birbaşa əməliyyat icra edə bilən agentlərə çevrilir.