Avropa bazarında LG UltraGear OLED 32GS95UX-B monitoru təqdim edilib - QİYMƏTİ

Cihazlar+

04.06.2024

Emil

LG şirkəti avropa bazarında yeni monitorunu təqdim edib. Təqdim edilmiş monitor LG-nin UltraGear seriyasına daxildir və o, LG UltraGear OLED 32GS95UX-B adlanır. Sözügedən monitor 31.5 düym ölçülü OLED ekranla təchiz olunub. İstifadəçi ekranı iki rejimdə istifadə edə bilər. Birinci rejim çərçivəsində ekran 480 Hz-lik təsvir yenilənməsinə sahib Full HD keyfiyyətində, ikinci rejim çərçivəsində isə 240 Hz-lik təsvir yenilənməsinə sahib 4K keyfiyyətində olacaq. Ekranın parlaqlıq səviyyəsi 275 nit təşkil edir.

Lakin HDR kontentləri əks etdirən zaman onun parlaqlıq səviyyəsini 400 nit-ə kimi yüksəltmək mümkündür. Ekran DCI-P3 rəng diapazonunun 98.5%-ni əhatə edir və onun istifadəçi əməliyyatlarına reaksiya müddəti 0.03 millisaniyə təşkil edir. Ekran üstəlik NVIDIA G-SYNC və AMD FreeSync Premium Pro texnologiyalarının dəstəklərinə sahibdir. Monitor özündə DisplayPort 1.4, HDMI 2.1, USB 3.0 Type-A, USB Type-B girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi birləşdirir. LG UltraGear OLED 32GS95UX-B artıq Avropanın bəzi ölkələrində satışa çıxıb və onun qiyməti 1400 avro təşkil edir.

Paylaş

lg ultragear oled 32gs95ux-b

Bənzər xəbərlər