Beats Solo 4 və Solo Buds naqilsiz qulaqlıqları təqdim edilib - QİYMƏTİ

     Apple şirkətinə məxsus olan Beats brendi öz yeni naqilsiz qulaqlıqlarını təqdim edib. Söhbət, Beats Solo 4 və Solo Buds qulaqlıqlarından gedir. Hər iki naqilsiz qulaqlıq keyfiyyətli səsin təmin olunması, Google və Apple şirkətlərinin itmiş əşyaların axtarılması servislərini və bir dəfə şarj olunandan sonra uzun müddət ərzində çalışmanı dəstəkləyirlər. İlk öncə Beats Solo 4 qulaqlığına nəzər salaq. Sözügedən qulaqlıq 40 mm-lik audio drayver ilə təchiz olunub və həcmli səs özəlliyini dəstəkləyir. Bununla yanaşı Beats Solo 4 özündə telefon danışıqları zamanı ətraf səs-küyün boğulmasına istiqamətlənmiş süni zəka funksiyalı mikrofonları birləşdirir.

     Qulaqlığın erqonomik materialdan hazırlanmış yumşaq hissələri ondan komfortlu şəkildə istifadəni təmin edirlər. Qulaqlığın gövdəsində səsin tənzimlənməsi, zənglərin qəbulu və Siri səsli köməkçisinin işə salınması düymələri mövcuddur. Məlumata əsasən Beats Solo 4 bir dəfə şarj olunandan sonra 50 saat ərzində çalışa bilir. 10 dəqiqəlik şarj prosesindən sonra isə qulaqlıq 5 saat ərzində çalışa bilir. Qulaqlıq həmçinin özündə USB-C girişini və 3.5 mm-lik audiogirişi birləşdirir. Bu girişlər vasitəsilə Beats Solo 4-ü smartfonlara və digər cihazlara naqil üzərindən qoşmaq mümkündür. Beats Solo 4 artıq sabah 200$ qiymətində satışa çıxacaq. İndi isə Beats Solo Buds qulaqlığına nəzər yetirək.

     Beats Solo Buds qulaqlıqları vakuum konstruksiyasına sahibdirlər. Məlumata əsasən qulaqlıqlarda lazer vasitəsilə kəsilmiş ventilyasiya sahələri səs keyfiyyətinin yüksəlməsinə, təzyiqinin isə azalmasına şərait yaradırlar. Bu naqilsiz qulaqlıqlar həmçinin telefon danışıqları zamanı ətraf səs-küyün boğulması funksiyasını dəstəkləyirlər. Solo Buds-ın gövdəsində Siri səsli köməkçisinin işə salınması üçün nəzərdə tutulmuş düymə mövcuddur. Lakin istifadəçi öz istəyinə uyğun olaraq xüsusi mobil tətbiq vasitəsilə həmin düyməyə digər əməliyyatl təyin edə bilər. Beats Solo Buds qulaqlıqları bir dəfə şarj olunandan sonra 18 saat ərzində çalışırlar. Qulaqlıqların şarj keysində 5 dəqiqə şarj olunmaları onların 1 saat ərzində çalışmalarına imkan verir. Beats Solo Buds iyun ayında 80$ qiymətində satışa çıxacaq.

Bənzər xəbərlər

Cihazlar+

Yeni iPad Pro bazarın ən yaxşı OLED ekranını əldə edəcək

Ross Young adlı məşhur insayder təqdimata hazırlaşan yeni iPad Pro-nun ekranı barəsində məlumatlar verib.

Cihazlar+

İkinci nəsil Apple Vision Pro-nun təqribi çıxış müddəti açıqlanıb

Apple Vision Pro qarışıq reallıq cihazının fevral ayının əvvəlində satışa çıxmasına baxmayaraq son məlumatlara əsasən şirkət artıq onun davamçısı üzərində çalışır.

Cihazlar+

Bütün iPhone 16 smartfonlarının xarici görünüşləri bir fotoda sərgilənib

Apple şirkəti bu il iPhone 16 smartfon seriyasını təqdim edəcək. İndi isə insayderlər bu seriyaya daxil olacaq bütün iPhone 16 modellərinin əks olunduqları fotonu təqdim ediblər.

Proqram Təminatı

Apple, iOS 18 ilə tətbiqləri yeniləyir!

iOS 18-in iPhone-lar üçün ən böyük yeniləmə olacağı iddiası bir yana, iOS-un ən son versiyası haqqında yeni məlumatlar gəlməyə davam edir. Bildirilir ki, Apple, iOS 18 ilə daxili proqramları yeniləyəcək.

Cihazlar+

Beats Solo Buds naqilsiz qulaqlığının fotoları təqdim edilib

Android Headlines saytı Beats brendinin təqdimata hazırlaşan Solo 4 naqilsiz qulaqlığı ilə yanaşı həmçinin Beats Solo Buds naqilsiz qulaqlığının da fotolarını təqdim edib.