Blackmagic Camera yeniləndi: Apple Watch ilə uzaqdan çəkiliş dövrü başlayır
Technote.az “Engadget” platformasına istinadən bildirir ki, mobil video çəkiliş sahəsində ən güclü tətbiqlərdən biri sayılan Blackmagic Camera üçün yeni iOS 3.3 yeniləməsi yayımlanıb. Blackmagic Design tərəfindən təqdim olunan bu yeniləmə xüsusilə solo kontent yaradıcıları üçün ciddi yeniliklər gətirir.
Ən diqqətçəkən dəyişiklik isə tətbiqin artıq Apple Watch ilə inteqrasiyasıdır. Yeni “companion” saat tətbiqi sayəsində istifadəçilər iPhone kameralarını uzaqdan idarə edə bilirlər. Yeni funksiya vasitəsilə istifadəçilər Wi-Fi üzərindən iPhone-u saat vasitəsilə idarə edə bilir. Bu da tripod üzərində çəkiliş edən kontent yaradıcıları üçün böyük rahatlıq yaradır.
İndi istifadəçilər:
- Video çəkilişini başlada və dayandıra bilir
- Zoom və fokus parametrlərini dəyişə bilir
- ISO, ağ balans, frame rate və shutter angle kimi detalları tənzimləyə bilir
- Kiçik də olsa, canlı görüntünü saat ekranında izləyə bilir
Bu imkanlar xüsusilə vlog, müsahibə və tək nəfərlik çəkilişlər üçün praktik hesab olunur. Yeniləmənin digər mühüm tərəfi isə ATEM Mini ilə inteqrasiyadır. Bu funksiya sayəsində iPhone canlı yayım studiyalarında kamera kimi istifadə oluna bilər.
Bunun üçün əlavə olaraq Blackmagic Camera ProDock tələb olunur. Bu cihaz iPhone-a HDMI çıxışı və digər peşəkar bağlantılar əlavə edir. Nəticədə istifadəçi:
- ATEM Mini vasitəsilə kameranı idarə edə bilir
- Canlı yayım zamanı rəng tənzimləmələri edə bilir
- Fokus və zoom-u uzaqdan kontrol edə bilir
Yeni versiya həmçinin “Focus və Zoom Demand” adlı fiziki idarəetmə aksesuarlarını da dəstəkləyir. Bu aksesuarlar tripod üzərində işləyən operatorlar üçün nəzərdə tutulub və kameraya toxunmadan fokus və zoom idarəsi imkanı verir.
Bundan əlavə:
- ProRes RAW stabilizasiya dəstəyi əlavə olunub
- Ümumi performans və stabillik yaxşılaşdırılıb
Qeyd edək ki, tətbiqin yeni versiyası App Store üzərindən tamamilə pulsuz təqdim olunur.
Paylaş
