Böyük ölçülü Philips 34B2U3600C monitoru təqdim edilib - QİYMƏTİ

     Philips şirkəti böyük ölçülü ekrana sahib yeni monitorunu təqdim edib. Şirkətin yeni monitoru Philips 34B2U3600C adlanır. Beləliklə bu yeni monitor 120 Hz-lik təsvir yenilənməsinə sahib 3440x1440 piksel keyfiyyətli 34 düym ölçülü VA ekranla təchiz olunub. Ekranın maksimal parlaqlıq səviyyəsi 300 nit, istifadəçi əməliyyatlarına reaksiya müddəti isə 4 millisaniyə təşkil edir. Ekran sRGB rəng diapazonunun 120%-ni əhatə edir. Monitor özündə HDMI 2.0, DisplayPort 1.4, Ethernet və USB-C girişlərini birləşdirir. USB-C girişi vasitəsilə digər cihazları şarj etmək mümkündür. Bunun üçün o, 90 vatt çıxış gücünə sahibdir. Üstəlik monitor 5 vatt gücündə 2 ədəd səsgücləndirici ilə də təchiz olunub. Philips 34B2U3600C artıq satışa çıxıb və onun qiyməti 409 avro təşkil edir.