Bu il Google Pixel Watch 3 smart saatı ilə Pixel Buds Pro 2 smart qulaqlığı gözlənilir
Cihazlar+
04.03.2024
Emil
Heç şübhəsiz Google şirkəti hal-hazırda Pixel Watch 3 smart saatı üzərində çalışır. 2022-ci ildə təqdim edilmiş Pixel Watch və keçən il təqdim edilmiş Pixel Watch 2 yalnız bir gövdə ölçüsünə sahibdirlər. Hər iki smart saatın gövdə ölçüsü 41 mm təşkil edir. Lakin bu il təqdim ediləcək Pixel Watch 3-də sözügedən mövzuda dəyişiklik olacaq. Belə ki, ortaya çıxmış yeni məlumata əsasən Pixel Watch 3 smart saatı iki gövdə ölçüsündə təqdim ediləcək. Məlumatda qeyd edilib ki, onlardan biri 41 mm, digəri isə 45 mm gövdə ölçüsünə sahib olacaq. Çox güman ki, 45 mm-lik gövdə ölçüsünə sahib versiyada həmçinin nisbətən böyük həcmli batareya da olacaq. Bununla yanaşı ortaya çıxmış məlumata əsasən Google üstəlik Pixel Buds Pro 2 naqilsiz qulaqlığı üzərində çalışır. Yeni naqilsiz qulaqlıq barəsində digər bir məlumat hələ yoxdur.
Paylaş
Ən çox oxunanlar
Samsung Galaxy Watch 8, Watch 8 Classic və Watch Ultra 2025-in render fotoları təqdim edilib
