Büdcəli Honor X5c Plus smartfonu təqdim edilib - QİYMƏTİ

     Honor şirkəti yeni büdcəli smartfonunu təqdim edib. Söhbət, Honor X5c Plus-dan gedir. Bu yeni smartfon böyük ölçülü ekranı, MediaTek Helio prosessorunu və böyük həcmli batareyanı əldə edib. Beləliklə Honor X5c Plus smartfonu 90 Hz-lik təsvir yenilənməsinə sahib 1500x720 piksel keyfiyyətli 6.74 düym ölçülü TFT LCD ekranla təchiz olunub. Smartfon MediaTek Helio G81 prosessoru vasitəsilə çalışır və 4 GB RAM ilə 64/128 GB daxili yaddaş həcmini əldə edib. Kameralar mövzusunda Honor X5c Plus özündə 50 MP-lik əsas arxa kameranı və 5 MP-lik ön kameranı birləşdirir. Batareyaya gəldikdə isə smartfon 15 vatt gücündə sürətli şarj texnologiyalı 5260 mAh enerji tutumlu batareya ilə təchiz olunub. Honor X5c Plus artıq satışa çıxıb və onun qiyməti 87$-dan start götürür.