Büdcəli HTC Wildfire E4 Plus smartfonu təqdim edilib - QİYMƏTİ

     HTC şirkəti öz yeni büdcəli smartfonunu təqdim edib. Söhbət, HTC Wildfire E4 Plus-dan gedir. Bu yeni smartfon böyük ölçülü ekranı, Unisoc prosessorunu və orta həcmli batareyanı əldə edib. Smartfon uyğun qiymətə baza funksiyalarını tələb edən istifadəçilərə istiqamətlənib. Beləliklə HTC Wildfire E4 Plus smartfonu 90 Hz-lik təsvir yenilənməsinə sahib HD+ keyfiyyətli 6.74 düym ölçülü ekranla təchiz olunub.

     Smartfon Unisoc T606 prosessoru vasitəsilə çalışır və 4 GB RAM ilə 128 GB (microSD dəstəkli) daxili yaddaş həcmini əldə edib. Kameralar mövzusunda HTC Wildfire E4 Plus özündə 50 MP + 0.3 MP ikili arxa kameranı və 8 MP-lik ön kameranı birləşdirir. Batareyaya gəldikdə isə smartfon 10 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. HTC Wildfire E4 Plus artıq satışa çıxıb və onun qiyməti 110$ təşkil edir.