Büdcəli Huawei FreeBuds 7i naqilsiz qulaqlığı təqdim edilib - QİYMƏTİ

     Huawei şirkəti FreeBuds 7i adlı yeni büdcəli naqilsiz qulaqlığını təqdim edib. Sözügedən yeni naqilsiz qulaqlıq 11 millimetrlik 4 maqnitli dinamik blok və təkmilləşdirilmiş Intelligent Dynamic Noise Cancellation 4.0 ağıllı dinamik səsboğma sistemi ilə təchiz olunub, bu sistem səsboğmanın dərinliyini 28 dB (desibel) səviyyəsində təmin edir. Şəhər səs-küyü şəraitində səsin maksimum dəqiqliklə ötürülməsi üçün qulaqlıqlar üçlü mikrofon sistemi və ayrı sümük keçiriciliyi mikrofonu ilə təchiz ediliblər. İnteqrasiya olunmuş alqoritmlər zənglər zamanı fon səsini 90 dB-ə qədər azaltmağa imkan verir, bu da hətta ən səs-küylü yerlərdə belə rahat ünsiyyət imkanı yaradır.

     FreeBuds 7i 4 ölçüdə (XS, S, M və L) qulaq yastıqları ilə təqdim olunur və bu, həm rahat istifadəyə, həm də etibarlı səs izolyasiyasına şərait yaradır. Avtonomluq baxımından qulaqlıqlar şarj keysi ilə birlikdə səsboğma söndürülmüş halda 35 saata qədər işləyə bilir. Aktiv səsboğma rejimində musiqi dinləmə müddəti 20 saata qədərdir. Şarj etmədən FreeBuds 7i 8 saata qədər musiqi dinləməsini və ya səsboğma açıq olduqda 5 saata qədər istifadəni təmin edir. Qoşulma Bluetooth 5.4 vasitəsilə həyata keçirilir, əlavə funksiyalar isə bir neçə qurğuya qoşulma dəstəyi, yaxınlıq sensoru və gövdənin IP54 standartına uyğun sudan qorunmasını əhatə edir. Huawei FreeBuds 7i naqilsiz qulaqlığı artıq Çində 69$ qiymətinə satışa çıxıb.