Büdcəli Moto G24 smartfonunun render fotoları təqdim edilib

     Motorola şirkəti öz yeni büdcəıli smartfonunu təqdim etməyə hazırlaşır. Söhbət, Moto G24-dən gedir. İndi isə insayderlər Moto G24-ün render fotolarını təqdim ediblər. Fotolardan da görmək olar ki, Moto G24 smartfonu Moto G seriyası altında son zamanlarda satışa çıxmış modellərə bənzəyəcək. Bununla yanaşı fotolara əsasən yeni büdcəli smartfon bazara 3 gövdə rəngində satışa çıxacaq. Qara, yaşıl və çəhrayı. İnsayderlərin sözlərinə əsasən Moto G24 smartfonu 90 Hz-lik təsvir yenilənməsinə sahib HD+ keyfiyyətli 6.56 düym IPS LCD ekranla təchiz olunacaq və MediaTek Helio G85 prosessoru vasitəsilə çalışacaq. Bununla yanaşı smartfon özündə 50 MP + 2 MP ikili arxa kameranı və 20 vatt gücündə sürətli şarj texnologiyalı 5000 mAh enerji tutumlu batareyanı birləşdirməlidir. Moto G24 yaxın zamanda təqdim olunmalıdır.